Fréttir

Í vikunni var undirritaður verksamningur og verkáætlun á milli Skagfirskra leiguíbúða hses. og BM Vallár ehf. vegna bygginga á tveimur fjögurra íbúða húsum úr forsteyptum einingum. Húsin sem eru á tveimur hæðum, munu rísa í Laugatúni 21-23 og 25-27 á Sauðárkróki, og er þeim ætlað að mæta brýnni þörf fyrir frekara leiguhúsnæði á svæðinu.

Garðyrkjudeild óskar eftir sumarstarfsmanni. Starfið felst í almennum verkamannastörfum, með áherslu á málningarvinnu.

Þjónustumiðstöð og Skagafjarðarveitur auglýsa 2 sumarstörf. Umsóknarfrestur er til og með 8. apríl 2018.

Heimilið Kleifatúni auglýsir eftir 2 sumarstarfsmönnum. Umsóknarfrestur er til og með 8. apríl 2018.

Árshátíð Grunnskólans austan Vatna verður í Höfðaborg á Hofsósi í dag fimmtudaginn 22. mars og hefst kl 18:15. Í boði verða fjölbreytt skemmtiatriði, leikur, söngur og dans. Nemendur verða með pizzusölu þegar dagskránni lýkur og síðan verður slegið upp diskóteki.

Lokahátíð Stóru upplestrarkeppninnar var haldin í sal bóknámshúss FNV í gær. Þar öttu kappi fjölmargir efnilegir lesarar úr grunnskólum Skagafjarðar og nemendur úr Tónlistarskóla Skagafjarðar léku fyrir gesti. Nemendur lásu texta úr bókinni Strokubörnin á Skuggaskeri eftir Sigrúnu Eldjárn, ljóð eftir Ólaf Jóhann Sigurðsson og ljóð að eigin vali. Lesarar stóðu sig með stakri prýði og án efa hefur dómnefnd verið mikill vandi á höndum.

Heimilið Skúlabraut, Blönduósi auglýsir eftir sumarstarfsmanni í starf matráðar og á hæfingarstöð. Umsóknarfrestur er til og með 15. apríl 2018.

Leikhópurinn Lotta er á ferð um landið með sýninguna Galdrakarlinn í Oz. Í dag, miðvikudaginn 21. mars, verður sýning í menningarhúsinu Miðgarði kl. 17:30. Miða má nálgast á tix.is eða í gegnum heimasíðu Leikhópsins Lottu.

Sveitarfélagið Skagafjörður hefur gert samkomulag við Eldvarnabandalagið um að efla eldvarnir á heimilum starfsmanna og í stofnunum sveitarfélagsins. Samstarfið felur í sér að sveitarfélagið innleiðir eigið eldvarnaeftirlit í stofnunum sínum í haust samkvæmt leiðbeiningum, gátlistum og öðrum gögnum sem Eldvarnabandalagið hefur gefið út.