Umhverfis- og samgöngunefnd Svf Skagafjarðar

Starfsfólk Flokku kynna fyrir nefndini hvað hefur áunnist seinustu þrjú ár í endurvinnslu. Einnig verður farið yfir ýmis mál sem tengjast sorphirðu og urðun.

Nefndin þakkar starfsmönnum Flokku fyrir greinargóðar upplýsingar og góðar umræður.

Samkvæmt samþykktum umhverfis- og samgöngunefndar 13. janúar og sveitarstjórnar Sveitarfélagsins Skagafjarðar 15. janúar 2020 er Dögun ehf. kt. 550284-0659. leigð tímabundið lóð/landspildu, nánar tiltekið austan lóðarinnar Hesteyri 1, L143444.

Sviðsstjóri fór yfir samninginn og var honum falið að sjá um endlegan frágang og undirritun samningsins.

Með dagsettu bréfi 28. desember 2020 frá Hafnarsjóði hefur leigusamningi verið sagt upp með 6 mánaða fyrirvara og Fiskmarkaði Íslands hf gert að rýma húsnæðið fyrir kl 13:00 þann 30.06.2021. Fiskmarkaður Íslands hf óskar eftir að fá framlengingu á leigusamningi til áramóta eða 31.12.2021.

Nefndin samþykkir að Fiskmarkaður Íslands hf leigi húsnæðið til 31.okt. 2021. Greiðslur verða í samræmi við núgildandi leigusamning.

Lögð var fram til kynningar skýrsla um viðbragðsáætlun Heilbrigðisnefndar Norðurlands vestra vegna loftmengunar.

Dagur Þór Baldvinsson lagði fram til kynningar skýrsla um viðbragðáætlun Skagafjarðarhafna sem unnin var í febrúar 2021.

Nefndin þakkaði Degi fyrir greinargóða framsetningu.

Lögð voru fram kynningar gögn frá Vegagerðinni er varða hafnarframkvæmdir í Hofsósi.

Beiðni frá Jakobínu Helgu Hjálmarsdóttur um að færa veg nr. 7827 Hólkotsveg fjær Hólkotsbænum þar sem hann liggur í gegnum bæjarhlaðið á Hólkoti.

Nefndin telur að færsla eða breytingar á þessum vegi falli ekki innan verkahrings Sveitarfélagsins. Mögulega er hægt að sækja um styrk til framkvæmdarinnar til Vegagerðarinnar og er viðkomandi bent á að hafa samband við Vegagerðina.

Finnur Sigurðarson leggur fram fyrirspurn um stöðu sorphirðu á Steinssöðum. Hann veltir fyrir sér hvernig standi á því að ekki sé náð í rusl heim að íbúðarhúsum í Þéttbýliskjarnanum Steinsstöðum líkt og öðrum þéttbýliskjörnum í Skagafirði.

Við undirbúning útboðs vegna sorphirðu í Skagafirði er unnið að endurskipulagningu málaflokksins í heild sinni. Ekki er gert ráð fyrir að breytingar verði gerðar á sophirðu á Steinsstöðum fyrr en að nýr samningur hefur verið gerður og tekið gildi. Gert er ráð fyrir að nýr samningur taki gildi á þessu ári.
Málið er í skoðun hjá Sveitarfélaginu er varðar stöðu Steinsstaða sem þéttbýliskjarna.