Skipulagsnefnd

Hlynur Torfi Torfason skipulagsráðgjafi hjá VSÓ ráðgjöf sat fundarliðinn í gegnum fjarfundarbúnað og fór yfir minnisblað varðandi þrjá valkosti fyrir nýja aðkomu að Sauðárkróki um Þverárfjallsveg og um leið tillögur að fyrirhugaðri íbúðarbyggð þar.

Skipulagsnefnd samþykkir samhljóða að fela skipulagsfulltrúa að vinna málið áfram í samræmi við umræður fundarins.

Edda Matthíasdóttir framkvæmdastjóri Háskólans á Hólum sendir erindi dags. 3. janúar 2025 til skipulagsnefndar Skagafjarðar þar sem óskað er eftir framlengdu vilyrði fyrir úthlutun á lóð til lok árs 2025, lóðin eins hún kemur fram á lóðarblaði með skilmálum og greinargerð, Borgarflöt - Hólaskóli, uppdráttur nr. S01, verknúmer 71742001, útgáfudagur 10. janúar 2024.
Vilyrðið er ein af forsendum þess að hægt verði að bjóða út verkið og er því er óskað eftir niðurstöðu sveitarfélagsins um þetta málefni sem fyrst.

Skipulagsnefnd samþykkir samhljóða að leggja til við sveitarstjórn að framlengja umrætt vilyrði til og með 31.12.2025.

Fyrir liggur umsagnarbeiðni byggingarfulltrúa dags. 18. desember síðastliðinn með vísan til 10. gr. laga um mannvirki nr. 160/2010 varðandi umsókn frá Atla Gunnari Arnórssyni byggingarverkfræðingi á Stoð ehf. verkfræðistofu, fh. Hafnarsjóðs Skagafjarðar/Skeljungs ehf. um leyfi til að koma fyrir 10 m³ olíutanki við svokallað syðra plan við Sauðárkrókshöfn. Við tankinn verður komið fyrir búnaði til afgreiðslu gasolíu á minni skip og báta. Meðfylgjandi uppdráttur gerður af umsækjanda. Uppdráttur í verki 3600-0200, númer S-101, dagsettir 03.12.2024.

Skipulagsnefnd telur umrædda framkvæmd vera í samræmi við gildandi deiliskipulag þar sem nú þegar er tankur og afgreiðsla á gasolíu á umræddu plani. Skipulagsnefnd samþykkir samhljóða að gera ekki athugasemd við fyrirhugaða framkvæmd en minnir jafnframt á að liggja þarf fyrir samþykki landbúnaðar- og innviðanefndar Skagafjarðar varðandi leyfisveitingu.

Lögð fram drög að lóðayfirliti fyrir götureitinn á milli Hólavegar, Ránarstígs, Sæmundargötu og Ægisstígs.

Skipulagsnefnd samþykkir samhljóða að fela skipulagsfulltrúa að útbúa hnitsett lóðarblöð og endurnýja lóðarleigusamninga fyrir umræddar lóðir.

Lögð fram til kynningar fundargerð byggingarfulltrúa frá fundi nr. 54 þann 20.12.2024.