Fara í efni

Gjaldskrá íþróttamannvirkja 2027

Málsnúmer 2608185

Vakta málsnúmer

Félagsmála- og tómstundanefnd - 47. fundur - 01.10.2026

Lögð er fram tillaga að gjaldskrá íþróttamannvirkja fyrir árið 2027. Breytingarnar fela almennt í sér um 2,5% hækkun í samræmi við fjárhagsramma. Helstu breytingar eru eftirfarandi:

- Gjaldskrárliðir íþróttasala, gervigrasvallar, búnaðarleigu og almennra sundmiða hækka um 2,5% að jafnaði.
- Gjald fyrir börn 0?6 ára helst óbreytt (0 kr.) og handhafar þjónustukorta Skagafjarðar hafa áfram endurgjaldslausan aðgang að sundlaugum.
- Árskort í sund lækka um 6,4% (úr 42.600 kr. í 39.900 kr.) til að hvetja til reglulegrar hreyfingar, samveru og lýðheilsu.
- Stakt sundgjald hækkar um 7,1% og 10 miða kort fullorðinna hækka um 7,4% sem vegur á móti lækkun á árskortum.

Félagsmála- og tómstundanefnd samþykkir samhljóða að leggja til við byggðarráð að fyrirliggjandi gjaldskrá íþróttamannvirkja fyrir árið 2027 verði samþykkt með áorðnum breytingum. Málinu er vísað til byggðarráðs til afgreiðslu.

Byggðarráð Skagafjarðar - 213. fundur - 15.10.2026

Máli vísað frá 47. fundi félagsmála- og tómstundanefndar sem haldinn var 1. október sl.

Félagsmála- og tómstundanefnd afgreiddi gjaldskránna frá sér með því að miðað var við að hún hækkaði að jafnaði um 2,5% en nokkrir liðir hennar hækka umfram 2,5% viðmiðið sem samþykkt var samhliða ramma fjárhagsáætlunar.

Umræður á fundinum snéru að því að leiðrétta gjaldskránna og miða alfarið við 2,5% viðmiðið og hækka því allir liðir gjaldskrár íþróttamannvirkja 2027 eingöngu um 2,5% eins og samþykkt var í meðferð rammaáætlunar.

Byggðarráð samþykkir samhljóða framlagða gjaldskrá með áorðnum breytingum og vísar til afgreiðslu sveitarstjórnar.