Fara í efni

Gjaldskrá tónlistarskóla 2027

Málsnúmer 2608176

Vakta málsnúmer

Fræðslunefnd - 51. fundur - 30.09.2026

Lögð fram tillaga að gjaldskrá tónlistarskóla sem tekur gildi 1. janúar 2027. Gert er ráð fyrir 2,5% hækkun gjalda í samræmi við forsendur þjóðhagsspár Hagstofu Íslands um verðlagsbreytingar. Samkvæmt tillögunni er veittur 25% afsláttur ef fleiri en einn nemandi er saman í hljóðfæranámi, auk systkinaafsláttar sem nemur 25% fyrir annað barn, 50% fyrir þriðja barn og 100% fyrir fjórða barn.

Fræðslunefnd samþykkir samhljóða fyrirliggjandi tillögu að gjaldskrá með áorðnum breytingum og vísar henni til byggðarráðs til afgreiðslu.
Anna Karítas Ingvarsdóttir Sighvats sat fundinn undir þessum dagskrárlið.

Byggðarráð Skagafjarðar - 212. fundur - 05.10.2026

Gjaldskrá í tónlistarskóla Skagafjarðar fyrir árið 2027 vísað frá 51. fundi fræðslunefndar þann 30. september sl.

Gjaldskráin tekur 2,5% hækkun frá líðandi ári í samræmi við ákvörðun sveitarstjórnar.

Byggðarráð samþykkir samhljóða framlagða gjaldskrá og vísar til afgreiðslu sveitarstjórnar.

Sveitarstjórn Skagafjarðar - 54. fundur - 14.10.2026

Vísað frá 212. fundi byggðarráðs frá 5. október sl. til afgreiðslu sveitarstjórnar, þannig bókað:
"Gjaldskrá í tónlistarskóla Skagafjarðar fyrir árið 2027 vísað frá 51. fundi fræðslunefndar þann 30. september sl.

Gjaldskráin tekur 2,5% hækkun frá líðandi ári í samræmi við ákvörðun sveitarstjórnar.

Byggðarráð samþykkir samhljóða framlagða gjaldskrá og vísar til afgreiðslu sveitarstjórnar."

Framlögð gjaldskrá var borin upp til afgreiðslu sveitarstjórnar og samþykkt með níu atkvæðum.