Byggðarráð Skagafjarðar - 206
Málsnúmer 2608018F
Vakta málsnúmerSveitarstjórn Skagafjarðar - 53. fundur - 16.09.2026
Fundargerð 206. fundar byggðarráðs frá 27. ágúst 2026 var lögð fram til afgreiðslu á 53. fundi sveitarstjórnar eins og einstök erindi bera með sér. Sveinn Þ. Finster Úlfarsson forseti kynnti fundargerð. Einar E. Einarsson og Magnús Barðdal Reynisson kvöddu sér hljóðs.
-
Byggðarráð Skagafjarðar - 206 Lagt fram erindi frá Viggó Jónssyni fyrir hönd Drangeyjarferða ehf., kt. 480916-1070, þar sem óskað er eftir að Sveitarfélagið Skagafjörður veiti félaginu skriflega heimild til að nýta Drangey til ferðaþjónustu, líkt og félagið hefur gert fyrri ár.
Byggðarráð felur sveitarstjóra að vinna málið áfram í samræmi við umræður á fundinum og leggja fyrir byggðarráð að nýju þegar frekari gögn og tillögur liggja fyrir. Bókun fundar Jóhanna Ey Harðardóttir vék af fundi við afgreiðslu þessa liðar.
Afgreiðsla 206. fundar byggðarráðs var staðfest á 53. fundi sveitarstjórnar 16. september 2026 með átta atkvæðum. -
Byggðarráð Skagafjarðar - 206 Stjórn Upprekstrarfélagsins Eyvindarstaðarheiðar þau Guðmundur Rúnar Halldórsson, Guðmundur Haukur Jakobsson, Björn Grétar Friðriksson og Þórunn Eyjólfsdóttir sátu fundinn undir þessum lið. Einnig sátu fundinn Sveinn Þ. Finster Úlfarsson umhverfis- og landbúnaðarfulltrúi Skagafjarðar auk Péturs Arasonar, sveitarstjóra Húnabyggðar sem sat fundinn í gegnum fjarfundarbúnað.
Sjórn Eyvindarstaðaheiðar kynnti fyrirliggjandi beiðni um borun eftir vatni. Jafnframt fóru fram umræður um stöðu félagsins og starfsemi þess.
Byggðarráð þakkar stjórn og gestum fyrir komuna og þær upplýsingar sem fram komu á fundinum. Byggðarráð samþykkir samhljóða að settur verði á fót vinnuhópur til að skoða framtíðar fyrirkomulag rekstrar á skálum á Eyvindarstaðaheiði. Sveitarstjóra er falið að vinna málið áfram. Bókun fundar Afgreiðsla 206. fundar byggðarráðs var staðfest á 53. fundi sveitarstjórnar 16. september 2026 með níu atkvæðum. -
Byggðarráð Skagafjarðar - 206 Hjörvar Halldórsson, sviðsstjóri veitu- og framkvæmdasviðs, sat fundinn undir þessum lið og fór yfir stöðu helstu framkvæmda á vegum sveitarfélagsins.
Byggðarráð þakkar fyrir yfirferðina og þær upplýsingar sem fram komu á fundinum. Bókun fundar Afgreiðsla 206. fundar byggðarráðs var staðfest á 53. fundi sveitarstjórnar 16. september 2026 með níu atkvæðum. -
Byggðarráð Skagafjarðar - 206 Hjörvar Halldórsson sat fundinn undir þessum lið og gerði grein fyrir stöðu framkvæmda ásamt sveitarstjóra.
Fram kom að jarðvegsframkvæmdir væru í góðum farvegi og unnið væri að því að keyra efni í grunn byggingarinnar. Jafnframt væri unnið að frágangi gagna vegna útboðs á heildarbyggingunni sem og lokahönnun verkefnisins. Ráðgert er að boðað verði til fundar í byggingarnefnd Menningarhússins um leið og tilefni þykir til.
Byggðarráð tekur upplýsingunum vel og fagnar framgangi verkefnisins. Bókun fundar Afgreiðsla 206. fundar byggðarráðs var staðfest á 53. fundi sveitarstjórnar 16. september 2026 með níu atkvæðum. -
Byggðarráð Skagafjarðar - 206 Lagt var fram til kynningar samþykkt gagntilboð Sveitarfélagsins Skagafjarðar vegna sölu fasteignarinnar Garðhúsa lands (Háholts) í Skagafirði ásamt 3 ha eignarlóð.
Kaupendur eru Þorsteinn Frímann Guðmundsson og Rósa Mary Þorsteinsdóttir. Kaupverð samkvæmt samþykktu gagntilboði er 88.000.000 kr. Bókun fundar Afgreiðsla 206. fundar byggðarráðs var staðfest á 53. fundi sveitarstjórnar 16. september 2026 með níu atkvæðum.