Sala íbúða í eigu Eignasjóðs Skagafjarðar

Lagt fram minnisblað frá forstöðumanni framkvæmda, dags. 13. október 2025, þar sem vakin er athygli á því að lítil eftirspurn hefur verið eftir stærri leiguíbúðum í eigu sveitarfélagsins og enginn á biðlista eftir slíku leiguhúsnæði. Er óskað eftir heimild til að selja einhverjar af þessum stærri eignum.

Byggðarráð samþykkir samhljóða að veita heimild fyrir sölu á þeim 5 stærri eignum sem eru lausar og í eigu sveitarfélagsins, auk heimildar til að kaupa allt að 5 minni eignir á móti, og vísar málinu til afgreiðslu sveitarstjórnar.

Vísað frá 166. fundi byggðarráðs frá 15. október sl. til afgreiðslu sveitarstjórnar, þannig bókað:
„Lagt fram minnisblað frá forstöðumanni framkvæmda, dags. 13. október 2025, þar sem vakin er athygli á því að lítil eftirspurn hefur verið eftir stærri leiguíbúðum í eigu sveitarfélagsins og enginn á biðlista eftir slíku leiguhúsnæði. Er óskað eftir heimild til að selja einhverjar af þessum stærri eignum.

Byggðarráð samþykkir samhljóða að veita heimild fyrir sölu á þeim 5 stærri eignum sem eru lausar og í eigu sveitarfélagsins, auk heimildar til að kaupa allt að 5 minni eignir á móti, og vísar málinu til afgreiðslu sveitarstjórnar.“

Sveitarstjórn samþykkir með níu atkvæðum að veita heimild fyrir sölu á þeim 5 stærri eignum sem eru lausar og í eigu sveitarfélagsins. Jafnframt samþykkir sveitarstjórn með níu atkvæðum að heimila kaup á allt að 5 minni eignum á móti þeim eignum sem seldar verða.