Landbúnaðar- og innviðanefnd - 30
Málsnúmer 2507004F
Vakta málsnúmerByggðarráð Skagafjarðar - 155. fundur - 16.07.2025
Fundargerð 30. fundar landbúnaðar- og innviðanefndar frá 10. júlí 2025 lögð fram til afgreiðslu á 155. fundi byggðarráðs eins og einstök erindi bera með sér. Guðlaugur Skúlason kynnti fundargerð.
-
Landbúnaðar- og innviðanefnd - 30 Hraðakstur í íbúðagötum er vandamál í þéttbýlisstöðum Skagafjarðar. Landbúnaðar og innviðanefnd hefur fullan skilning á áhyggjum íbúa af gangandi börnum og ferðum gangandi vegfarenda. Það er mat Landbúnaðar og innviðanefndar að taka þurfi á rótum vandans sem er að hluta til hraðakstur innan íbúahverfa og að því er oft virðist þá oft hraði umfram þann hraða sem leyfður er í viðkomandi götu. Hvetur nefndin því íbúa til að fara gætilega og virða þær hraðatakmarkanir sem eru í gildi. Jafnframt eru lögregluyfirvöld hvött til að gera verulegt átak í hraðakstri innan þéttbýlismarka Skagafjarðar og tryggja þannig að gildandi reglum sé fylgt.
Jafnframt samþykkir Landbúnaðar og innviðanefnd samhljóða að fela Veitu- og framkvæmdasviði að hefja kortlagningu á helstu hættusvæðum, m.t.t. uppsetningu hraðahindrana og hugsanlegra hraðalækkana, í samvinnu við lögreglu.
Bókun fundar Afgreiðsla 30. fundar landbúnaðar- og innviðanefndar staðfest á 155. fundi byggðarráðs 16. júlí 2025 með þremur atkvæðum. -
Landbúnaðar- og innviðanefnd - 30 Landbúnaðar- og innviðanefnd hefur fullan skilning á áhyggjum íbúa vegna skorts á gangbrautum og takmarkaðrar lýsingar yfir vetrarmánuði. Landbúnaðar og innviðanefnd samþykki samhljóða að fela sviðstjóra veitu og framkvæmdasviðs að vinna mat á lýsingu, merkingu, fjölda og staðsetningu gangbrauta í þéttbýlisstöðum Skagafjarðar og leggja fyrir nefndina. Bókun fundar Afgreiðsla 30. fundar landbúnaðar- og innviðanefndar staðfest á 155. fundi byggðarráðs 16. júlí 2025 með þremur atkvæðum.
-
Landbúnaðar- og innviðanefnd - 30 Fjárhagsáætlun Skagafjarðar, málaflokkur 08, fyrir rekstrárið 2026 lögð fram.
Hjörvar Halldórsson sviðsstjóri Veitu- og framkvæmdasvið fór yfir fjárhagsramma hreinlætismála.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs. Bókun fundar Formaður gerir að tillögu sinni að vísa afgreiðslu málsins til liðarins "Fjárhagsáætlun 2026 - málaflokkur 08_Hreinlætismál", síðar á dagskrá fundarins. Samþykkt samhljóða. -
Landbúnaðar- og innviðanefnd - 30 Fjárhagsáætlun Skagafjarðar, málaflokkur 69 fráveita, fyrir rekstrárið 2026 lögð fram.
Hjörvar Halldórsson sviðsstjóri Veitu- og framkvæmdasvið fór yfir fjárhagsramma fráveitu.
Landbúnaðar- og innviðanefnd samþykkir fjárhagsáætlunina samhljóða og vísar til Byggðaráðs. Bókun fundar Formaður gerir að tillögu sinni að vísa afgreiðslu málsins til liðarins "Fjárhagsáætlun 2026 - málaflokkur 69_SKV-fráveita", síðar á dagskrá fundarins. Samþykkt samhljóða. -
Landbúnaðar- og innviðanefnd - 30 Farið yfir og rætt um kostnað og viðhald girðinga milli afrétta og heimalanda.
Tillaga fulltrúa Vg og óháðra:
Undirrituð Hildur Þóra Magnúsdóttir, fulltrúi VG og óháðra í Landbúnaðar- og innviðanefnd, óskar eftir frestun á málinu til næsta fundar, þar sem hún treystir sér ekki til þess að samþykkja tillögu meirihluta án þess að afla sér frekari upplýsinga um málið.
Tillagan var felld með tveimur atkvæðum meirihluta.
Bókun fulltrúa Vg og óháðra:
Fulltrúa Vg og óháðra finndist fara betur á því að eiga frekara samráð við íbúa áður en ákvörðun er tekin um þetta mál og óskaði því eftir frestun á málinu, sem meirihluti féllst ekki á.
Landbúnaðar- og innviðanefnd samþykkir með tveimur atkvæðum að tekið verði viðmið í reiknuðum girðingakostnaði Vegagerðarinnar hverju sinni og miðað verði við 8% í viðhaldi af dýrasta flokki Vegagerðarinnar á nýgirðingum (A-flokkur) ár hvert.
Landeigendur sem telja sig eiga rétt á mótframlagi skulu hafa samband við Landbúnaðar- og umhverfisfulltrúa sveitarfélagsins.
Fulltrúar Framsóknarflokks, Sjálfstæðisflokks og Byggðalista óska bókað að þeir telja mikilvægt að sveitarfélagið hafi skýra vinnureglu um við hvaða kostnaðarverð sé miðað í viðhaldskostnaði afréttagirðinga. Þessa vinnureglu hefur vantað hjá sveitarfélaginu en með þessari samþykkt er ráðin bót á því sem er bæði sveitarfélaginu og landeigendum til góða.
Fulltrúi Vg og óháðra óskar bókað:
Skýrar vinnureglur eru sannarlega þarfar og tekur fulltrúi Vg og óháðra undir það. Betur færi þó á því að hafa skýrara samráð við íbúa til að fara yfir málið áður en það er keyrt í gegn af meirihluta. Bókun fundar Álfhildur Leifsdóttir VG og óháð óskar bókað:
"Fulltrúi VG og óháðra tekur undir mikilvægi þess að skýrar vinnureglur séu til staðar um viðhald girðinga milli afrétta og heimalanda. Hins vegar telur fulltrúinn að betur hefði farið á því að eiga samráð við þá sem málið varðar áður en ákvörðun var tekin. Einmitt þess vegna óskað fulltrúi VG og óháðra í Landbúnaðar- og innviðanefnd eftir frestun á málinu til þess að afla frekari gagna og skoðana, en því hafnaði meirihlutinn. Fulltrúi VG og óháðra harmar að ekki hafi verið vilji til aukins samráðs áður en málið var afgreitt eins og fulltrúi VG og óháðra í nefndinni óskaði eftir."
Fulltrúar Framsóknarflokks, Sjálfstæðisflokks og Byggðalista ítreka bókun sína frá 150. fundi landbúnaðar- og innviðanefndar, svohljóðandi:
"Fulltrúar Framsóknarflokks, Sjálfstæðisflokks og Byggðalista óska bókað að þeir telja mikilvægt að sveitarfélagið hafi skýra vinnureglu um við hvaða kostnaðarverð sé miðað í viðhaldskostnaði afréttagirðinga. Þessa vinnureglu hefur vantað hjá sveitarfélaginu en með þessari samþykkt er ráðin bót á því sem er bæði sveitarfélaginu og landeigendum til góða."
Afgreiðsla 30. fundar landbúnaðar- og innviðanefndar staðfest á 155. fundi byggðarráðs 16. júlí 2025 með þremur atkvæðum. -
Landbúnaðar- og innviðanefnd - 30 Fyrirliggur styrkur frá Vegagerðinni uppá 3.000.000 kr. Sem er um 33% af því sem sótt var um.
Landbúnaðar- og innviðanefnd samþykkir samhljóða að útdeila styrknum skv. eftirfarandi:
Unadalsvegur og Gusthnjúksleið - 400.000 kr.
Staðarafrétt og Þúfnavallaleið - 250.000 kr.
Molduxaskarðsvegur - 850.000 kr.
Kálfadalsvegur og Selhólaleið - 1.500.000 kr.
Bókun fundar Afgreiðsla 30. fundar landbúnaðar- og innviðanefndar staðfest á 155. fundi byggðarráðs 16. júlí 2025 með þremur atkvæðum. -
Landbúnaðar- og innviðanefnd - 30 Erindi lagt fram til kynningar. Bókun fundar Afgreiðsla 30. fundar landbúnaðar- og innviðanefndar staðfest á 155. fundi byggðarráðs 16. júlí 2025 með þremur atkvæðum.