Fara í efni

Fræðslunefnd

35. fundur 23. janúar 2025 kl. 16:15 - 17:45 að Sæmundargötu 7a
Nefndarmenn
  • Kristófer Már Maronsson formaður
  • Hrund Pétursdóttir varaform.
  • Agnar Halldór Gunnarsson aðalm.
  • Steinunn Rósa Guðmundsdóttir áheyrnarftr.
Starfsmenn
  • Bryndís Lilja Hallsdóttir sviðsstjóri fjölskyldusviðs
  • Rakel Kemp Guðnadóttir leiðtogi farsældar, fræðslu og ráðgjafar
  • Trostan Agnarsson skólastjóri grunnskóla
  • Þ. Elenóra Jónsdóttir áheyrnarftr. grunnsk.kennara
  • Hanna Lára Hallgrímsdóttir áheyrnarftr. foreldra grunnsk.barna
  • Steinunn Ragnheiður Arnljótsdóttir leikskólastjóri
Fundargerð ritaði: Bryndís Lilja Hallsdóttir sviðsstjóri fjölskyldusviðs
Dagskrá

1.Framkvæmdir við skólamannvirki í Skagafirði

Málsnúmer 2304014Vakta málsnúmer

Hjörvar Halldórsson, sviðsstjóri veitu- og framkvæmdasviðs kom inn á fundinn og fór yfir þær framkvæmdir og viðhald sem eru í gangi og eru framundan við skólamannvirki í Skagafirði. Framkvæmdir við leikskólann í Varmahlíð hafa gengið vel. Í byrjun febrúar verður byrjað á öðrum hluta verkefnisins sem er að innrétta skólann. Því verki verður lokið í september. Framkvæmdir við lóð eru þriðji hluti verkefnisins og útboðsgögn ættu að vera tilbúin um miðjan febrúar.
Í Árskóla er verið að undirbúa klæðningu á A-álmu auk endurnýjunar á drenlögn í sömu álmu.
Fljótlega verður farið af stað í skoðun og hönnun á stækkun leikskólans Ársala, yngra stig, um allt að þrjár deildir. Einnig verður farið í að skoða lausnir varðandi skólamötuneyti á Sauðárkróki.
Í Grunnskólanum austan Vatna er á áætlun að skipta um glugga og klæða vesturhlið yngri byggingarinnar. Þá á einnig að klára hönnun vegna breytinga og viðbyggingar.

2.Frumkvöðlar framtíðarinnar

Málsnúmer 2410148Vakta málsnúmer

Hólmfríður Sveinsdóttir, rektor Háskólans á Hólum kom á fundinn og kynnti tillögu að samstarfsverkefninu Frumkvöðlar framtíðarinnar sem unnið yrði í samstarfi Háskólans á Hólum, Sendiráðs Bretlands á Íslandi og Skagafjarðar. Í verkefninu yrði unnið markvisst að því að efla frumkvöðlahugsun barna og unglinga, m.a. með heimsóknum í framhalds- og háskóla, fyrirtæki og stofnanir. Sendiráðið myndi m.a. leggja til bókina Tæknitröll og íseldfjöll auk þess að stuðla að heimsókn vísindamanns frá Bretlandi til að veita innblástur í frumkvöðlamenninguna.

Fræðslunefnd lýsir yfir áhuga sínum á samstarfsverkefninu og felur sviðsstjóra að eiga samtal við skólastjórnendur um mögulega þátttöku í verkefninu verði það að veruleika. Samþykkt samhljóða.

3.Öruggara Norðurland vestra

Málsnúmer 2404243Vakta málsnúmer

Lögð fram til kynningar áskorun til samfélagsins á Norðurlandi vestra sem varð til eftir samráðsfund um öruggara Norðurland vestra í desember 2024.

4.Fundargerðir skólaráðs Varmahlíðarskóla 2024-25

Málsnúmer 2411070Vakta málsnúmer

Fundargerð skólaráðs Varmahlíðarskóla frá 17. desember 2024 lögð fram til kynningar.

5.Samráð; Aðalnámskrá tónlistarskóla - almennur hluti

Málsnúmer 2501010Vakta málsnúmer

Lagður fram tölvupóstur dags. 20. desember 2024 þar sem mennta- og barnamálaráðuneytið kynnir til samráðs mál nr. 245/2024, "Aðalnámskrá tónlistarskóla - almennur hluti". Almennt snúa breytingar að almennum hluta aðalnámskrárinnar að því að hún sé uppfærð í takt við aðrar gildandi aðalnámskrár og að fyrirkomulagi áfangaprófa þar sem áhersla er lögð á ábyrgð skóla og val nemenda.

6.Erindisbréf fastanefnda 2025

Málsnúmer 2501189Vakta málsnúmer

Erindisbréf fræðslunefndar lagt fram til kynningar.

Steinunn Rósa Guðmundsdóttir, fulltrúi Vg og óháðra óskar bókað:
Til viðbótar í erindisbréfi fyrir Fræðslunefnd Skagafjarðar komi eftirfarandi:
3. gr ? Hlutverk nefndarinnar
Fylgjast með og stuðla að því að skólar í sveitarfélaginu hafi aðgang að sérfræðiþjónustu.

Tillaga samþykkt með öllum greiddum atkvæðum.


7.Stöðumat eftir breytingu á gjaldskrá

Málsnúmer 2501188Vakta málsnúmer

Upplýsingar um breytingar á meðaldvalartíma leikskólabarna í Skagafirði lagðar fram. Þann 1. september 2024 var meðaldvalartími leikskólabarna í Skagafirði 7,77 klst á dag en þann 1. janúar 2025 var meðaldvalartíminn 7,62 klst á dag. Breytingar á gjaldskrá tóku gildi þann 1. október 2024. Helsti munurinn að mati leikskólastjóra er að færri börn eru skráð á milli 7:45 og 08:00 og á milli 16:00 og 16:15 sem leiðir til þess að dagurinn byrjar og endar í meiri rólegheitum. Eins hefur það komið sér vel þegar kemur að mönnun því sjaldnar þarf að greiða yfirvinnu ef einhvern vantar á þessu tímabili. Talsvert hefur verið um að foreldrar hafi gert breytingar á dvalartíma oftar en einu sinni og skapar það mikla vinnu við útreikning gjalda.
Fræðslunefnd óskar eftir því að fá stöðumat aftur í vor. Samþykkt samhljóða.

Fundi slitið - kl. 17:45.