Fræðslunefnd Svf. Skagafjarðar

Lögð fram kynning á hluta af niðurstöðum úr viðamikilli starfsháttakönnun sem menntavísindasvið Háskóla Íslands framkvæmdi. Árskóli var einn af þeim skólum sem tók þátt í könnuninni. Fræðslunefnd fagnar niðurstöðunum sem sýna glögglega að gott skólastarf er unnið er í skólanum.

Tilkynnt að velferðarráðuneytið hafi ákveðið að veita áframhaldandi styrk til Fléttunnar, verkefni sem ætlað er að koma til móts við þarfir langveikra barna og barna með ADHD, um kr. 3 milljónir.

Lagt fram erindi frá Umboðsmanni barna þar sem varað er við að hagræðingaraðgerðir sveitarfélaga komi niður á börnum.

Lögð fram auglýsing um laust starf skólastjóra Varmahlíðarskóla. Auglýsingin mun birtast í dagblöðum um næstu helgi. Auglýsingin var samþykkt á fundi Samstarfsnefndar Akrahrepps og Sveitarfélagsins Skagafjarðar.