Fræðslunefnd Svf. Skagafjarðar

Ársskýrslur leikskólanna lagðar fram til kynningar.Steinunn Arnljótsdóttir, áheyrnarfulltrúi leikskólastjóra og Broddi Reyr Hansen, áheyrnafulltrúi foreldra leikskólabarna, sátu fundinn undir þessum lið.
Framvegis verða gerðar starfsáætlanir að hausti í stað ársskýrslna að vori.

Drög að jafnréttisáætlun leikskólanna í Skagafirði lögð fram. Áætlunin er byggð á ákvæðum laga og samþykktri áætlun fyrir Sveitarfélagið Skagafjörð. Steinunn Arnljótsdóttir, áheyrnarfulltrúi leikskólastjóra og Broddi Reyr Hansen, áheyrnafulltrúi foreldra leikskólabarna, sátu fundinn undir þessum lið.
Nefndin fagnar gerð jafnréttisáætlunar fyrir leikskóla Skagafjarðar og felur sviðsstjóra og leikskólastjórum að fullgera áætlunina og leggja fyrir næsta fund.

Sveinn Sigurbjörnsson, tónlistarskólastjóri sat fundinn undir þessum lið.
Nefndin samþykkir að fela sviðsstjóra að gera drög að reglum um stuðning við nemendur utan lögheimilis í samræmi við 7. grein reglugerðar um framlög úr Jöfnunarsjóði sveitarfélaga til eflingar tónlistarnámi og jöfnunar á aðstöðumun nemenda.

Óskar Björnsson, skólastjóri Árskóla og Jóhanna Sveinbjörg Traustadóttir, sátu fundinn undir þessum lið.
Fræðslunefnd samþykkir drög að samningi við norska eigendur Vinaliðaverkefnisins og vísar þeim til byggðarráðs.

Starfsskýrsla Farskóla Nlv fyrir árið 2013 lögð fram til kynningar.