Fræðslunefnd Svf. Skagafjarðar

Gerð er tillaga um að sveitarfélagið gerist áskrifandi að Skólavoginni/Skólapúlsinum líkt og flest önnur sveitarfélög. Skólavogin gefur m.a. upplýsingar um rekstur og ýmsar breytur í skólastarfi og Skólapúlsinn gerir samræmdar kannanir um innra starf skóla.Kostnaður áskriftar er tæp 1 milljón króna á ári og er lagt til að sá kostnaður færist á fræðsluþjónustu, 04090. Fræðslunefnd samþykkir tillöguna.

Farið var yfir rekstur fyrstu 7 mánuði ársins. Nefndin brýnir fyrir forstöðumönnum stofnana að fylgjast vel með rekstri og gæta aðhalds.

Hvítbók menntamálaráðuneytisins lögð fram til kynningar og hún rædd. Samþykkt að taka hana til frekari umræðu á næstu vikum.

Lagðar fram tölur um nemendafjölda í leik- grunn- og tónlistarskóla sveitarfélagsins fyrir skólaárið 2014-2015.

Lagt fram minnisblað frá skólastjóra Tónlistarskóla um stöðu tónlistarsforskóla.