Fræðslunefnd Svf. Skagafjarðar

Lögð fram ósk leikskólastjóra í leikskólum í Skagafirði um auka starfsdag á næsta og þarnæsta skólaári vegna innleiðingar aðalnámskrár leikskóla.Fræðslunefnd samþykkir erindið.

Skóladagatöl leikskóla fyrir skólaárið 2013-2014 lögð fram. Fræðslunefnd samþykkir dagatalið fyrir sitt leyti.

Kynntur var biðlisti eftir leikskóladvöl í Birkilundi. Fræðslustjóra falið að vinna að lausn málsins.

Skóladagatöl grunnskóla fyrir skólaárið 2013-2014 lögð fram. Fræðslunefnd samþykkir dagatalið fyrir sitt leyti.

Áætlun um kennslumagn grunnskólanna lögð fram til kynningar.

Tveir umsækjendur voru um stöðu skólastjóra Grunnskólans austan Vatna. Fræðslunefnd samþykkir að ráða Jóhann Bjarnason í stöðuna. Jafnframt samþykkir fræðslunefnd að auglýsa eftir aðstoðarskólastjóra við skólann.

Lagt fram til kynningar svarbréf grunnskólanna í Skagafirði vegna íslenskunar á tölvuumhverfi í grunnskólum.

Lagt fram erindi frá Tónlistarskólanum á Akureyri um að sveitarfélagið greiði hlut sveitarfélags vegna tónlistarnáms nemanda sem fæddur er 1997. Fræðslunefnd samþykkir erindið og felur fræðslustjóra að sækja um styrk til Jöfnunarsjóðs sveitarfélaga sbr. 7.grein reglna um framlög úr Jöfnunarsjóði sveitarfélaga til eflingar tónlistarnámi og jöfnunar á aðstöðumun nemenda.

Lagt fram erinid frá Tónlistarskólanum á Akureyri um að sveitarfélagið greiði hlut sveitarfélags vegna tónlistarnáms nemanda sem fæddur er 1992. Fræðslunefnd hafnar erindinu.

Skólastjóri Tónlistarskólans kynnti áform um skipulag skólans næsta skólaár. Fræðslunefnd samþykkir að bjóða upp á hálft nám fyrir nemendur 1.-3. bekkjar grunnskóla og yngri, skólaárið 2013-2014. Eldri nemendum stendur einungis heilt nám til boða. Nefndin felur skólastjóra og fræðslustjóra að vinna áfram að málinu.

Skólastjóri Tónlistarskólans kynnti umsókn um framlög til Jöfnunarsjóðs sbr. 1.grein reglna um framlög til eflingar tónlistarnámi og jöfnunar á aðstöðumun nemenda.

Reglur fyrir skólaakstur í Sveitarfélaginu Skagafirði lagðar fram og samþykktar.