Félags- og tómstundanefnd Svf. Skagafjarðar

Samþykkt eitt erindi. Sjá trúnaðarbók. Margrét Hallsdóttir, félagsráðgjafanemi, kynnti málið og vék svo af fundi.

Stefna Barnaverndarnefndar Skagafjarðar kynnt. Félags- og tómstundanefnd lýsir fyrir sitt leyti ánægju með stefnu Barnverndarnefndar, sem er nýmæli og hin fyrsta sem nefndin setur sér.
Barnaverndarnefnd sendir stefnuna til ákvörðunar í sveitarstjórnum sveitarfélaganna sem að Barnaverndarnefnd standa, Akrahrepps og Sveitarfélagsins Skagafjarðar.

Drög að reglum fyrir barnaverndarstarf í Skagafirði kynntar.

Íþróttafulltrúi kynnir fyrirhugað átaksverkefni um fegrun íþróttamannvirkja og umhverfis þeirra, sem styrkt er af Vinnumálastofnun. Nefndin fagnar þessu frumkvæði.

Íþróttaþing ÍSÍ skorar á sveitarfélög að styðja dyggilega við starf íþróttahreyfingarinnar með framlögum til reksturs íþróttafélaga og niðurgreiðslu æfingagjalda barna og unglinga. Félags-og tómstundanefnd hefur lagt áherslu á að skerða sem minnst framlög til íþróttastarfs barna og unglinga. Vakin er athygli á að frítt er í sund fyrir börn yngri en 18 ára, búsett í sveitarfélaginu og í boði eru Hvatapeningar til niðurgreiðslu tómstunda,-íþrótta-og menningarstarfs barna og unglinga.

Byggðarráð hefur samþykkt að fela félags- og tómstundanefnd yfirumsjón með átaksverkefni vegna vaxandi atvinnuþarfa 16 ára -18 ára á komandi sumri. Nefndin telur mikilvægt að þau verkefni, sem hafa setið á hakanum og unglingar og ungmenni geta auðveldlega sinnt, verði sett í forgrunn í sumar, sérstaklega þau er lúta að fegrun í byggðakjörnum sveitarfélagsins.

Félagsmálaráðuneytið hvetur sveitarfélög til að nýta sér vinnumarkaðsaðgerðir til að draga úr atvinnuleysi. Nefndin tekur undir hvatninguna.