Félags- og tómstundanefnd Svf. Skagafjarðar

Sigfús Ingi Sigfússon kynnti fyrirhugaða atvinnulífs- og mannlífssýningu.

Rætt um forsendur launa og tímafjölda í vinnuskóla sumarið 2014. Sviðsstjóra og forstöðumanni frístunda- og íþróttamála falið að koma með útfærða tillögu á næsta fundi nefndarinnar sem tekur mið af samþykktri fjárhagsáætlun.

Lagt er til að opnunartími sundlauga á Sauðárkróki og í Varmahlíð verði óbreyttur milli ára en á Hofsósi tæki sumaropnun gildi um 2 vikum fyrr, eða 20. maí. Þetta er gert til að mæta aukinni aðsókn í laugina. Þá samþykkir nefndin að auglýst verði eftir starfsmanni við Sólgarðalaug.

Lögð fram tillaga um opnunartíma sundlauga í Skagafirði yfir páskana. Nefndin samþykkir tillöguna.

Drífa Andrésdóttir og Gunnar Sandholt gerðu grein fyrir tölum um fjárhagsaðstoð 2013. Nefndin ákveður að aðalmenn haldi sérstakan vinnufund og komi með tillögur varðandi endurskoðun reglna í kjölfar frekari greiningar á upplýsingum úr trúnaðarbók.

Félagsmálastjóri kynnir fundargerðir þjónustuhóps Róta bs um málefni fatlaðra.

Samþykkt erindi í 5 málum, sjá trúnaðarbók