Atvinnu- og ferðamálanefnd

Til fundar kom Ólafur Sigmarsson frá Kaupfélagi Skagfirðinga og fór yfir stöðu og starfsemi upplýsingamiðstöðvarinnar í Varmahlíð.
Atvinnu- og ferðamálanefnd samþykkir samning Ferðamálastofu og Sveitarfélagsins Skagafjarðar um rekstur upplýsingamiðstöðvar í Varmahlíð á árinu 2013.

Atvinnu- og ferðamálanefnd hefur aflað sér gagna og upplýsinga um kostnað við tilteknar lagfæringar á tjaldsvæðinu í Varmahlíð. Samþykkir nefndin að kosta tilfærslu eins rafmagnskassa á svæðinu og leggja lagnir í jörð til að unnt verði að fjölga rafmagnskössum á svæðinu í næsta áfanga, í samræmi við kostnaðarmat framkvæmdasviðs sveitarfélagins. Verður fjárhæðin, allt að kr. 450.000,-, tekin af lið 13090. Fyrir liggur að framkvæmdasvið sveitarfélagins mun ráðast í lagfæringar og gerð skjólbelta á svæðinu.

Kynnt var vinna sem er í gangi varðandi gerð og uppfærslu kynningarefnis fyrir ferðaþjónustuna í Skagafirði. Sú vinna er unnin í nánu samráði við Félag ferðaþjónustunnar í Skagafirði.

Kynnt var umsókn sem send var í Framkvæmdasjóð ferðamannastaða til gerðar upplýsingaskilta við nokkur fjöll í námunda við byggðakjarna í Skagafirði.

Atvinnu- og ferðamálanefnd samþykkir að halda upplýsingafund með Félagi ferðaþjónustunnar í Skagafirði en þar yrði fjallað um kynningarmál ferðaþjónustunnar og farið yfir markaðstól og tækifæri til markaðssetningar.