Atvinnu- og ferðamálanefnd
Atvinnu- og ferðamálanefnd Skagafjarðar
Fundur 60 – 16.05.2001
Miðvikudaginn 16. maí árið 2001 kom atvinnu- og ferðamálanefnd saman til fundar á Skrifstofu Skagafjarðar.Fundur 60 – 16.05.2001
Mættir: Brynjar Pálsson, Einar Gíslason og Stefán Guðmundsson.
DAGSKRÁ:
1. Samningur við Hring – Atvinnuþróunarfélag Skagafjarðar um starf
ferðamála- og markaðsfulltrúa.
2. Aðalskipulag Skagafjarðar: Árni Ragnarsson og Jón Örn Berndsen
koma á fundinn.
3. Bréf frá Jóni Eiríkssyni, Fagranesi.
4. Lagt fram bréf frá Ferðamiðstöð Skagafjarðar.
AFGREIÐSLUR:
1. Lagðir fram samningar varðandi starf ferða- og markaðsfulltrúa og um rekstur upplýsingamiðstöðvar í Varmahlíð. Samningurinn gerir ráð fyrir að ráðinn verði ferða- og markaðsfulltrúi í hálft starf frá og með 1. júní 2001. Starfsmaðurinn heyrir undir framkvæmdastjóra Hrings og stjórn félagsins á samningstímanum. Einnig tekur Hringur ehf að sér að reka upplýsingamiðstöðina í Varmahlíð í samræmi við samþykktir Ferðasmiðjunnar og þeirra reglna sem gilda um upplýsingamiðstöðvar landsins.
2. Árni Ragnarsson og Jón Örn Berndsen komu á fundinn. Árni og Jón gerðu grein fyrir þeirri vinnu sem í gangi er við gerð aðalskipulags fyrir Skagafjörð. Miklar umræður voru um atvinnu- og ferðamál, tengdar gerð aðalskipulagsins.
3. Borist hefur bréf frá Jóni Eiríkssyni, Fagranesi. Atvinnu- og ferðamálanefnd samþykkir að veita Jóni leyfi til að flytja ferðamenn til Drangeyjar í sumar og að leigja honum eyjuna til nytja til eins árs. Ákveðið að boða Jón á næsta fund nefndarinnar.
4. Lagt fram til kynningar bréf frá Ferðamiðstöð Skagafjarðar.
Fleira ekki gert og fundi slitið.
Ritað: Einar Gíslason