Varmahlíðarskóli áfram í úrslit Skólahreysti 2025

Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.

Nú er komið í ljós hvaða 4 skólar sem enduðu ekki í fyrsta sæti í sínum riðlum komast áfram á grundvelli besta árangurs úr þeirra hópi og taka þátt í 12 liða úrslitum sem fram fara í Reykjavík 24. maí nk. Er Varmahlíðarskóli þar á meðal – nú í 12. sinn og 9. árið í röð.

Það verða því tveir skólar af Norðurlandi vestra á meðal þeirra tólf skóla sem keppa til úrslita og er það magnaður árangur.

Til hamingju Varmahlíðarskóli!