Upplýsingar vegna sveitarstjórnarkosninga 2026

Sveitarstjórnarkosningar fara fram laugardaginn 16. maí nk. og er athygli vakin á eftirfarandi dagsetningum:

• Skilafrestur framboða er til kl. 12:00 - 10. apríl 2026.
• Utankjörfundaratkvæðagreiðsla hefst 17. apríl 2026.
• Kjördagurinn er sem fyrr segir 16. maí. 

Yfirkjörstjórn Skagafjarðar hefur opnað fyrir rafræna meðmælendasöfnun fyrir framboð til sveitarstjórnar á vef Ísland.is, sjá nánar hér: Stofna meðmælasöfnun vegna framboðs til sveitarstjórnar | Ísland.is

Mælst er til þess að oddvitar framboða stofni söfnun en nafn þeirra og fæðingardagur birtist sem stofnandi söfnunar.

Einnig er heimilt að safna meðmælum á pappír en mælst er til þess að þau séu slegin inn í rafræna meðmælendakerfið áður en frumritum meðmælanna er skilað inn ásamt framboðstilkynningu. Hér er sniðmát að söfnun meðmæla á pappír sem framboð geta nýtt sér.

Hægt er að mæla með framboðum hér: Mæla með framboði í sveitarstjórnarkosningum 2026 | Ísland.is

Kjörstaðirnir í Skagafirði verða eftirfarandi:

• Bóknámshús FNV á Sauðárkróki
• Varmahlíðarskóli
• Grunnskólinn austan Vatna á Hofsósi

Ef spurningar vakna skal hafa samband á netfangið skagafjordur@skagafjordur.is.