Umhverfisviðurkenningar í Sveitarfélaginu Skagafirði

Umhverfisviðurkenningar í Skagafirði fyrir árið 2014 voru veittar í síðustu viku í sex flokkum.

Opinber stofnun: Eldra stig leikskólans Ársala við Árkíl.

Fyrirtæki: Hlíðarkaup í eigu Ásgeirs Einarssonar og systkina hans.

Sveitabýli án búskapar: Einholt í Viðvíkursveit,  þar búa hjónin Valgerður Kristjánsdóttir og Jónas Sigurjónsson. 

Sveitabýli með búskap: Hof á Höfðaströnd, þar búa þau Lilja Pálmadóttir og Baltasar Kormákur ásamt fjölskyldu.

Lóð í þéttbýli: Veittar voru tvær viðurkenningar. Hólavegur 14, þar sem Erla Halldórsdóttir og Jón Alexandersson búa, og Birkihlíð 11, en þar búa Eygló Jónsdóttir og Bragi Haraldsson.

Einstakt framtak: Ferjumaðurinn á Furðuströndum, minnisvarði um Jón Ósmann.