Starf sveitarstjóra - Sveitarfélagið Skagafjörður

Kennimerki Sveitarfélagsins Skagafjarðar
Kennimerki Sveitarfélagsins Skagafjarðar

Sveitarfélagið Skagafjörður er framsækið og metnaðarfullt samfélag. Kraftmikið atvinnulíf, góðir skólar á öllum skólastigum, fjölbreytt þjónusta, öflugt íþróttalíf, auðugt félags- og menningarlíf, veðursæld og mikil náttúrufegurð er á meðal þess sem gerir Skagafjörð að fýsilegum búsetukosti. Sveitarfélagið Skagafjörður er landmikið, fjölkjarna sveitarfélag og eru íbúar um 4.000 talsins. Þar af búa um 2.600 á Sauðárkróki sem er einn öflugasti byggðakjarni landsbyggðarinnar en þéttbýli er einnig á Hofsósi, Hólum í Hjaltadal og í Varmahlíð. Um fjórðungur íbúanna býr í dreifbýli.

Sveitarfélagið Skagafjörður auglýsir laust til umsóknar starf sveitarstjóra.

Starfsvið:

  • Daglegur rekstur sveitarfélagsins og ábyrgð á framkvæmd ákvarðana sveitarstjórnar
  • Yfirumsjón með skipulagi og virkni stjórnsýslu sveitarfélagsins og starfsmannamálum
  • Náið samstarf við sveitarstjórn, undirbúningur og upplýsingagjöf á fundum sveitarstjórnar
  • Annast upplýsingamiðlun og samskipti við samstarfsaðila, stofnanir, samtök, fyrirtæki og íbúa
  • Að gæta hagsmuna Sveitarfélagsins Skagafjarðar út á við, vera talsmaður sveitarstjórnar og vinna að framfaramálum
  • Stefnumarkandi vinna og mótun framtíðarsýnar í ólíkum málaflokkum

Helstu kostir:

  • Hæfni í mannlegum samskiptum
  • Leiðtogahæfni, frumkvæði og hugmyndaauðgi
  • Hæfni til að tjá sig í ræðu og riti
  • Áhugi á uppbyggingu samfélagsins, kynningarmálum, ímynd og stefnumótun
  • Reynsla af stjórnun, rekstri og fjármálum
  • Reynsla af mannauðsmálum
  • Þekking á sveitastjórnarmálum og opinberri stjórnsýslu
  • Háskólamenntun sem nýtist í starfi

Umsókn um starfið þarf að fylgja ítarleg starfsferlisskrá og kynningarbréf.

Upplýsingar veitir Þórir Þorvarðarson thorir@hagvangur.is

Umsóknarfrestur til: 15. júlí 2018