Fara í efni

Skagafjörður: Heimili Norðursins Atvinnulífssýning um helgina

17.05.2023

Eins og áður hefur verið tilkynnt verður Atvinnulífssýning haldin á Sauðárkróki um næstu helgi, dagana 20.-21. maí 2023.

Atvinnulífssýningin verður sett í íþróttahúsinu á Sauðárkróki laugardaginn 20. maí kl. 11. Sýningin stendur yfir laugardag og sunnudag og verður opin frá kl. 10-17 á laugardag og 10-16 á sunnudag. Á sýningartíma verður fjölbreytt dagskrá á sviði með tónlist og ýmsum uppákomum en atriðin verða kynnt nánar á sýningunni.

Atvinnulífssýningin er fjórða sinnar tegundar í Skagafirði og var síðast haldin árið 2018. Þátttaka á sýninguna er mjög góð en yfir 60 sýnendur eru skráðir á sýninguna sem verður bæði á inni- og útisvæði.

Sýningunni er ætlað að varpa ljósi á þann fjölbreytileika sem er í þjónustu, framleiðslu, mannlífi og menningu í Skagafirði, kynna sprota og nýsköpun í atvinnulífi og síðast en ekki síst skapa skemmtilegan viðburð fyrir heimafólk og gesti.

Aðgangur er ókeypis og allir hjartanlega velkomnir.

Upplýsingar um sýnendur má nálgast með því að smella á myndina hér að neðan:

Gengið er inn á sýninguna um aðalinngang í íþróttahúsið (frá bílastæði við Árskóla). Það er okkar von að sem flestir komi á sýninguna og staldri vel og lengi við enda nóg að skoða, smakka og njóta. 

VIÐ HLÖKKUM TIL AÐ SJÁ ÞIG!