Ráðgjafi í málefnum fatlaðra barna og fjölskyldna þeirra

Sveitarfélagið Skagafjörður auglýsir starf ráðgjafa í málefnum fatlaðra barna og fjölskyldna þeirra laust til umsóknar. Óskað er eftir umsækjendum með háskólamenntun í þroskaþjálfafræði. 

Upphaf starfs: Frá 16. ágúst eða eftir samkomulagi.

Starfshlutfall: 50% framtíðarstarf.

Lýsing á starfinu: Ráðgjafi sinnir ráðgjöf, fræðslu, snemmtækri íhlutun og stuðningi við þjónustunotendur. Viðkomandi sinnir einnig handleiðslu og stuðningi fyrir starfsmenn.

Hæfniskröfur: Leitað er að einstaklingi með háskólamenntun í þroskaþjálfafræði. Reynsla af ráðgjöf, faglegri stefnumótun og innleiðingu nýjunga er æskileg. Viðkomandi þarf að hafa góða vitund fyrir sjálfum sér, ríka ábyrgðartilfinningu, virðingu í mannlegum samskiptum, tilbúinn að tileinka sér nýjar hugmyndir og hafa metnað í starfi.

Vinnutími: Dagvinna.

Launakjör: Laun eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Starfsheiti: Ráðgjafarþroskaþjálfi.

Yfirmaður: Gréta Sjöfn Guðmundsdóttir, framkvæmdastjóri.

Frekari upplýsingar gefur Gréta Sjöfn Guðmundsdóttir í síma 455-6000 eða á gretasjofn@skagafjordur.is

Umsóknarfrestur er til og með 22. júní 2016

Sótt er um á heimasíðu sveitarfélagsins (laus störf) eða í gegnum íbúagátt sveitarfélagsins.