Húsateikningar nú aðgengilegar í kortasjá Skagafjarðar

Þau hús sem þegar hafa verið skráð og teikningar gerðar aðgengilegar af eru merkt með appelsínugulu.
Þau hús sem þegar hafa verið skráð og teikningar gerðar aðgengilegar af eru merkt með appelsínugulu.

Líkt og greint var frá í byrjun sumars hefur verið unnið að flokkun og skráningu húsateikninga í Skagafirði. Er þetta liður í stafrænni vegferð sveitarfélagsins með það að leiðarljósi að gera gögn sveitarfélagsins aðgengilegri íbúum.
Verkefnið er umfangsmikið og hafa verið skannaðar um 2.800 teikningar í Hlíðarhverfi og Túnahverfi á Sauðárkróki og eru þær teikningar nú aðgengilegar í kortasjá sveitarfélagsins.

Mun þessi vinna halda áfram í vetur og verður teikningum bætt við á vefinn jafn óðum og þær hafa verið skannaðar og skráðar í gagnagrunn sveitarfélagsins. Verða allar húsateikningar í þéttbýli og dreifbýli Skagafjarðar flokkaðar og skannaðar og er því ljóst að þessi vinna mun taka tíma.

Nálgast má teikningar í kortasjá Skagafjarðar sem staðsett er á heimasíðu sveitarfélagsins, www.skagafjordur.is. Haka þarf við „Teikningar af byggingum“ í valmyndinni hægramegin í kortasjánni.