Götulýsing óvirk í Sæmundargötu og nágrenni

Bilun hefur komið upp í jarðstreng fyrir götulýsingu í Sæmundargötu og nærliggjandi götum.

Unnið er að því að staðsetja bilunina og gera við hana. Um er að ræða erfiða bilun og ljóst er að viðgerð næst ekki fyrir helgi. Því má búast við að götulýsing verði óvirk á svæðinu á meðan unnið er að viðgerð.

Vegfarendur og íbúar eru beðnir um að sýna sérstaka aðgát á svæðinu á meðan lýsing er óvirk.

Beðist er velvirðingar á þeim óþægindum sem bilunin kann að valda.