Fjölbreytt sorphirða í Skagafirði og losun rotþróa

Skipulag sorphirðu í Skagafirði
Skipulag sorphirðu í Skagafirði

Sorplosun í Skagafirði er í höndum Flokku á Sauðárkróki. Á hverjum stað er grá urðunartunna tæmd einu sinni í mánuði og græna flokkunartunnan einu sinni í mánuði. Skipulag þessarar losunar má kynna sér nánar á heimasíðu Flokku eða á mynd hér meðfylgjandi. Hvernig standa skal að flokkun sorps sem fer í  græna endurvinnslutunnu er hægt að kynna sér nánar hér

Alla miðvikudaga eru sótt dýrahræ á sveitabæi í Skagafirði.

Heyrúlluplast er einnig sótt á sveitabæi í Skagafirði eftir þessari áætlun;

  • Fyrsta mánudag í hverjum mánuði er sótt plast í Sléttuhlíð, Óslandshlíð, Hjaltadal, Viðvíkursveit og Hegranes.
  • Fyrsta mánudag í nóvember, janúar, mars og maí er einnig farið í Fljótin.
  • Annan mánudag í hverjum mánuði er farið í Lýtingsstaðahrepp, Seyluhrepp, Staðarhrepp og Skarðshrepp.
  • 3x á ári er sótt plast út á Skaga og Reykjaströnd og eru þær dagsetningar í samráði við heimamenn í hvert skipti.

Rotþrær eru tæmdar á þriggja ára fresti í Skagafirði.  Fer tæmingin fram seinnipart sumars og fram undir haust. Í tæmingaráætlun er Skagafirði skipt í þrjú svæði:

  • Skaginn og Fljótin
  • Skagafjörður vestan Vatna að Sauðárkróki
  • Skagafjörður austan Vatna að Fljótum

Tæming verður sem hér segir:

2015 – tæming vestan Vatna
2016 – tæming austan Vatna
2017 – tæming á Skaga og í Fljótum