Breytingar á árfarvegi og umhverfi Sauðár

Síðustu daga hafa staðið yfir framkvæmdir við Sauðá norðan við göngubrúna við Skagfirðingabraut. Í gær, mánudag, var vatnsborð árinnar hækkað við brúna og þar með hleypt vatni á nýja tjörn sem mótuð hefur verið síðustu daga. Framundan er yfirborðsfrágangur ásamt stígagerð á svæðinu. Umhverfi árinnar hefur tekið töluverðum breytingum við framkvæmdina og verður vonandi vinsælt leik- og útivistarsvæði þegar fram líða stundir.