Auglýsing um skipulagsmál - Skógargötureitur Sauðárkróki

Sveitarstjórn Skagafjarðar samþykkti á 30. fundi sínum þann 18. september sl. að auglýsa deiliskipulagstillögu fyrir „Skógargötureitinn, íbúðabyggð á Sauðárkróki“, í samræmi við 41. gr. skipulagslaga nr. 123/2010 og samhliða henni „Tillögu að breytingu á gildandi deiliskipulagi Gamla bæjarins á Sauðárkróki“ í samræmi við 43. gr. skipulagslaga nr. 123/2010.

Deiliskipulagstillagan (mál nr. 208/2024 í Skipulagsgáttinni) er sett fram á uppdrætti með greinargerð nr. DS01, útgáfa 2.0, dags. 04.09.2024, sem unnin var á Stoð ehf. verkfræðistofu fyrir sveitarfélagið Skagafjörð. Skipulagssvæðið er 6.380 m² að stærð og afmarkast af Skógargötu að vestan, Kambastíg að norðan, Aðalgötu að austan og göngustíg að sunnan. Svæðið breytist frá vinnslutillögu þar sem afmörkun að vestanverðu færist til vesturs þannig að gatan falli innan svæðisins til að hægt sé að setja skilmála fyrir götuna skv. umsögn slökkviliðsstjóra. Innan skipulagssvæðisins eru skráðar 11 lóðir. Skipulagsuppdrátturinn sýnir lóðir, aðkomu að lóðum og byggingarreiti á skipulagssvæðinu, ásamt helstu byggingarskilmálum. Samhliða þessari deiliskipulagstillögu er unnin breyting á gildandi deiliskipulagi gamla bæjarins á Sauðárkróki.

Deiliskipulagsbreytingin (mál nr. 1156/2024 í Skipulagsgáttinni) fyrir breytingu á deiliskipulagi Gamla bæjarins á Sauðárkróki er sett fram á uppdrætti með greinargerð nr. DS01, útgáfa 1.0, dags. 04.09.2024, sem unnin var á Stoð ehf. verkfræðistofu fyrir sveitarfélagið Skagafjörð.
Ástæða breytingarinnar er sú að í vinnslu er nýtt deiliskipulag fyrir Skógargötureitinn svokallaða á Sauðárkróki. Svæðið er innan deiliskipulags gamla bæjarins á Sauðárkróki frá 1987. Deiliskipulag Skógargötureitarins kallar á breytingu á gildandi deiliskipulagi gamla bæjarins þar sem hlut skipulagssvæðisins fellur út en skv. 5.3.1. gr. skipulagsreglugerðar nr. 90/2013 mega deiliskipulagssvæði ekki skarast.

Deiliskipulagstillagan og deiliskipulagsbreytingin eru auglýstar samhliða frá 25. september til og með 8. nóvember 2024. Hægt er að skoða tillögurnar í Skipulagsgátt Skipulagsstofnunar undir málsnúmeri 208/2024 og 1156/2024 á www.skipulagsgatt.is. Tillögurnar munu jafnframt liggja frammi til kynningar í Ráðhúsinu, Skagfirðingabraut 17-21, Sauðárkróki á skrifstofutíma frá kl. 10-12 og kl. 12:30-15. Einnig er hægt að nálgast gögnin hér á heimasíðu Skagafjarðar.

Til stendur að halda íbúafund vegna málsins og verður það auglýst síðar.

Þau sem telja sig eiga hagsmuna að gæta er gefinn kostur á að koma á framfæri ábendingum varðandi deiliskipulagstillöguna og deiliskipulagsbreytinguna. Umsagnir skulu vera skriflegar og berast í gegnum Skipulagsgáttina í síðasta lagi 8. nóvember 2024. Einnig er hægt að skila inn umsögnum til skipulagsfulltrúa í afgreiðslu Ráðhússins, Skagfirðingabraut 17-21, 550 Sauðárkróki eða á netfangið skipulagsfulltrui@skagafjordur.is.

Umsagnir um skipulagsmál sveitarfélagsins teljast til opinberra gagna. Vakin er athygli á því að nöfn og umsagnir koma fram í fundargerðum Skipulagsnefndar og eru aðgengileg opinberlega á Skipulagsgáttinni.

Persónuupplýsingar eru aðeins nýttar í þeim tilgangi að vinna úr athugasemdum og auðkenna sendanda.

Skipulagsfulltrúi Skagafjarðar

Tillaga að deiliskipulagi - Skógargötureitur Sauðárkróki

Tillaga að breytingu á deiliskipulagi - Gamli bærinn á Sauðárkróki, Skógargötureitur