Ábending til hunda- og kattaeigenda

Vakin er athygli á því að varptími fugla er hafinn og eru hunda- og kattaeigendur beðnir um að taka tillit til þess.

Æskilegt er að halda köttum sínum innandyra á nóttunni og hengja bjöllur á hálsólar þeirra. Kettir geta haft neikvæð áhrif á stofn fugla sem verpa í nágrenni við mannabústaði ár hvert og því er mikilvægt að kattaeigendur fylgist með köttum sínum á þessum árstíma og á meðan ungar eru að verða fleygir.

Að sama skapi eru hundaeigendur beðnir um að sleppa ekki hundum sínum lausum á varpsvæðum.

Áhugasömum er bent á að kynna sér samþykkt um hunda- og kattahald í Sveitarfélaginu Skagafirði sem finna má hér.