Fréttir

Réttað verður á laugardaginn í Laufskálarétt í Hjaltadal og af því tilefni verður mikið um að vera um allt héraðið. Margir gestir sækja Skagafjörðinn heim þessa helgi til að sýna sig og sjá aðra og njóta réttarstemmingarinnar.

Nú er blóðbankabíllinn staddur á Sauðárkróki og tækifæri fyrir áhugasama að gefa blóð. Bíllinn er á planinu við Skagfirðingabúð í dag 23. september milli kl 9 og 11:30

Nú er haustið gengið í garð með tilheyrandi ráðstefnum og fundum segir á heimasíðu Menningarhússins Miðgarðs og töluvert af tónleikum framundan

Dagana 21. - 27. september er svokölluð hreyfivika UMFÍ og verður ýmislegt í boði í Skagafirði. Hreyfivika UMFÍ "MOVE WEEK" er Evrópsk herferð sem hefur það að markmiði að kynna kosti þess að taka virkan þátt í hreyfingu og íþróttum reglulega.

Ferðaþjónustufyrirtækið Gray Line hefur ákveðið að hefja beinar áætlunarferðir milli Akureyrar og Keflavíkurflugvallar næsta vor. Í apríl og maí verður ekið þrisvar í viku en daglega yfir sumarið fram í miðjan september.

Miklar framkvæmdir standa nú yfir í Húsi frítímans á Sauðárkróki og óvíst hvenær skipulegt vetrarstarf getur hafist.

Árskóli á Sauðárkróki auglýsir eftir tónmenntakennara í 100% starf. Umsækjandi þarf að geta hafið störf sem fyrst.

Næsti fundur Sveitarstjórnar Sveitarfélagins Skagafjarðar verður haldinn miðvikudaginn 16. september kl. 16:15

Fjölskyldusvið Sveitarfélagsins Skagafjarðar auglýsir 50% starf á skrifstofu heimaþjónustu laust til umsóknar.