Umhverfis- og samgöngunefnd Svf Skagafjarðar

Lögð var fram ákvörðun byggðarráðs frá 24.11.2020 um 2,5% hækkun gjaldskrár brunavarna Skagafjarðar fyrir árið 2021.

Lögð var fram ákvörðun byggðarráðs frá 24.11.2020 um 2,5% hækkun gjaldskrá brunavarna - slökkvitækjaþjónustu Skagafjarðar fyrir árið 2021.

Hafnasambandsþing fór fram á rafrænum fundi 27. nóvember. Farið verður yfir helstu málefni þingsins er varða Skagafjarðarhafnir.

Dagur Þór Baldvinsson hafnastjóri fór yfir helstu atriði sem komu fram á þinginu er varða Skagafjarðarhafnir.

Verulegar framkvæmdir hafa verið á hafnarsvæði Sauðárkrókshafnar á árinu sem er að líða. Búið er að malbika stór svæði og verið er að girða af gámageymslusvæði til að uppfylla kröfur vegna Schengen-samstarfsins. Öll aðstaða á höfninni hefur batnað stórlega sem gerir kleift að auka enn frekar umskipun í höfninni. Fyrir liggur ákvörðun Samgönguráðuneytis á fjárveitingu til kaupa á nýjum hafnsögubáti og verið að leita að heppilegum bát í því skyni fyrir höfnina.
Lagt er til að fasteignin Háeyri 6 verði seld og andvirði eignarinnar látnar ganga upp í framangreindar fjárfestingar. Hafnastjóra er falið að segja upp gildandi leigusamningi og hlutast til um sölu á eigninni.

Dagur Þór hafnastjóri fer yfir nýjustu upplýsingar um stöðu fjárveitinga til kaupa á hafnsögubáti.