Umhverfis- og samgöngunefnd Svf Skagafjarðar

Fundargerðir Siglingaráðs lagðar fram til kynningar.

Lagðar fram til kynningar fundargerðir frá Hafnasambandi Íslands ásamt leiðbeiningum fyrir stjórnendur farþegaskipa sem koma til Íslands.

Lagt var fyrir fundinn erindi frá smábátafélaginu Drangey varðandi löndunaraðstöðu fyrir smábáta í Sauðárkrókshöfn.
Í erindinu segir m.a.:
"Tilefni bréfsins er slæm löndunaraðstaða smábáta í Sauðárkrókshöfn, sem einkum tengist viðlegu togarans Drangeyjar þegar hún er í höfn. Að sumarlagi landa dag hvern að staðaldri um 10 smábátar á Sauðárkróki og þegar Drangey er í höfn er oft ekki hægt að koma fyrir meira en einum til tveimur bátum í rýminu við löndunarkrana smábátanna."
Í niðurlagi erindis er þess óskað að á þessu ástandi verði fundin lausn.
Nefndin felur hafnarstjóra að leita leiða til að verða við beiðni smábátafélagsins Drangey varðandi löndun smábáta. Nefndin bendir á að í skipulagsvinnu hafnasvæðis verður m.a. unnið að úrbótum á löndunaraðstöðu smábátasjómanna.

Lagðar voru fyrir fundinn mögulegar útfærslur að flotbryggjum ætluðum m.a. til móttöku á léttabátum úr skemmtiferðaskipum í Sauðárkrókshöfn. Kostnaður við framkvæmdina er áætlaður um 15 milljónir króna.
Nefndin samþykkir fyrir sitt leyti að gengið verði frá pöntun á flotbryggjueiningum samkvæmt tillögu 01 dags. 10. september 2019 og vísar málinu til afgreiðslu í byggðarráði. Nefndin leggur til að sá hluti kostnaðar sem fellur til árið 2019 verði greiddur af Hafnarsjóði.

Lagt var fyrir nefndina erindi frá Rúnari Gíslasyni lögreglumanni á Sauðárkróki varðandi blint horn á Aðalgötu á Sauðárkróki. Segir þar m.a. að hætta geti skapast á þessu horni þegar lögreglumenn á leið á vettvang keyra út af bílastæði við lögreglustöðina. Lagt er til í erindinu að settur verði upp spegill á móts við innkeyrslu á bílastæðið til að minnka hættu á óhappi á þessum stað.
Nefndin tekur jákvætt í erindið og felur sviðstjóra að vinna að úrlausn málsins.

Rætt var um gerð gjaldskrár vegna efnistöku á Gránumóum við Sauðárkrók.
Nefndin felur sviðstjóra að gera tillögu að gjaldskrá vegna efnistöku í malarnámum.
Nefndin felur sviðstjóra að fara yfir svæðið á Gránumóum og fjarlægja rusl og annan úrgang sem ekki á heima á svæðinu, nefndin hvetur notendur svæðisins á Gránumóum að ganga snyrtilega um svæðið.

Lagðar voru fyrir fundinn tilkynningar frá Vegagerðinni um niðurfellingu vega af vegaskrá. Ábyrgð Vegagerðarinnar á viðhaldi og þjónustu vega fellur niður á þeim vegum sem falla út af vegaskrá.
Tilkynnt er um niðurfellingu eftirfarandi vega;
Reykjarhólsvegur í Fljótum, 7853-01
Reykjarhólsvegur í Fljótum, 7889-01
Ysta-Mósvegur í Fljótum, 7858-01
Lágmúlavegur á Skaga, 7456-01

Nefndin felur sviðstjóra að kanna ástæður þess að Reykjarhólsvegur 7853-01 sé felldur út af vegaskrá.

Lagður var fyrir tölvuóstur frá Guðbjörgu Steinunni Sigfúsdóttur varðandi umhverfismál í Varmahlíð.
Nefndin felur garðyrkjustjóra að skoða umrædd svæði í Varmahlíð og koma með hugmyndir að fegrun og nýtingu svæðisins.

Vinna við kortlagningu leiksvæða í Skagafirði er hafin og voru lögð fram drög á fundinum.

Lögð voru fyrir nefndarmenn drög að jafnréttisáætlun og aðgerðaráætlun í jafnréttismálum fyrir Sveitarfélagið Skagafjörð.
Nefndin ræddi efni áætlananna og fagnar vinnu við gerð jafnréttisstefnu.