Umhverfis- og samgöngunefnd Svf Skagafjarðar

Lögð voru fyrir nefndina drög að gjaldskrá Skagafjarðarhafna fyrir árið 2018. Almennt hækka gjalskrárliðir um 2,6% fyrir utan gjöld tengd afgreiðslu fragtskipa sem hækka til samræmis við gjaldskrár annarra hafna.
Nefndin samþykkir drög að breyttri gjaldskrá og vísar til Byggðarráðs.

Lagt var fyrir fundinn erindi frá Svavari A. Birgissyni, slökkviliðsstjóra, varðandi gjaldskrá Brunavarna Skagafjarðar fyrir árið 2018.
Í erindinu er lagt til að gjaldskrá Brunavarna Skagafjarðar fyrir útselda vinnu ásamt tækjaleigu muni hækka um 4 %. Gjaldskrá vegna slökkvitækjaþjónustu, þeir liðir sem innihalda efni muni hækka um 3 %. Þeir liðir gjaldskrár slökkvitækjaþjónustu sem innifela vinnu muni hækka um 4 %.
Nefndin samþykkir gjaldskrána fyrir sitt leyti og vísar henni til Byggðarráðs.

Lögð var fyrir nefndina tillaga að breyttri gjaldskrá fyrir sorpurðun og sorphirðu fyrir árið 2018.
Lagt er til að gjaldskráin hækki um 5%.
Nefndin samþykkir gjaldskrána fyrir sitt leyti og vísar til Byggðarráðs.

Lögð var fyrir nefndina tillaga að breyttri gjaldskrá fyrir hunda- og kattahald fyrir árið 2018.
Lagt er til að gjaldskráin hækki um 5%.
Nefndin samþykkir gjaldskrána fyrir sitt leyti og vísar til Byggðarráðs.

Nefndin leggur til að gjaldskrá fyrir fráveitugjald og tæmingu rotþróa haldist óbreytt og vísar til Byggðarráðs til samþykktar.

Lögð voru fyrir fundinn drög að samstarfssamning um Heilbrigðiseftirlit Norðurlands Vestra. Nefndin gerir ekki athugasemdir við drögin.