Umhverfis- og samgöngunefnd Svf Skagafjarðar

Farið var yfir ástand héraðs- og tengivega í Skagafirði með fulltrúum Vegagerðarinnar. Ákveðið var að nefndin geri tillögu að forgangsröðun á uppbyggingu og viðhaldi vega í sveitarfélaginu á næstu árum.

Lögð var fyrir fundinn endurskoðuð gjaldskrá vegna tæmingu rotþróa og var hún samþykkt að hálfu nefndarinnar.

Lagt var fyrir fundinn erindi frá EBÍ (Eignarhaldsfélagið Brunabótafélag Íslands) þar sem sveitarfélaginu er boðið að sækja um styrk úr styrktarsjóði EBÍ árið 2014. Sjóðurinn styrkir sérstakar athuganir eða rannsóknir á ýmsum þróunarþáttum í atvinnulífi, samgöngum, fræðslu- og menningarmálum í aðildarsveitarfélögum. Nefndin leggur til að sótt verði um styrk til merkinga á útivistarsvæðum í sveitarfélaginu.

Sviðstjóri fór yfir framkvæmdalista fyrir árið 2014 vegna framkvæmda sem eru á fjárhagsáætlun.
Guðrún Helgadóttir gerir athugasemd við það að á fjárhagsáætlun ársins 2014 er ekki gert ráð fyrir neinum framkvæmdum á Hólum.