Sveitarstjórn Sveitarfélagins Skagafjarðar

Fundargerð 182. fundar landbúnaðarnefndar lögð fram til afgreiðslu á 338. fundi sveitarstjórnar eins og einstök erindi bera með sér. Gunnsteinn Björnsson kynnti fundargerð. Enginn kvaddi sér hljóðs.

Fundargerð 284. fundar skipulags- og byggingarnefndar lögð fram til afgreiðslu á 338 fundi sveitarstjórnar eins og einstök erindi bera með sér. Viggó Jónsson kynnti fundargerð. Enginn kvaddi sér hljóðs.

Fundargerð 23. fundar veitunefndar lögð fram til afgreiðslu á 338. fundi sveitarstjórnar eins og einstök erindi bera með sér. Gunnsteinn Björnsson kynnti fundargerð. Enginn kvaddi sér hljóðs.

Bjarki Tryggvason formaður félags- og tómstundanefndar tók til máls og kynnti endurskoðun reglna um fjárahagsaðstoð.

Félags- og tómstundanefnd hefur endurskoðað reglur um fjárhagsaðstoð og samþykkt fyrir sitt leiti.

Drög að nýjum reglum liggja fyrir fundinum til annarrar umræðu og samþykktar. Ekki eru miklar breytingar gerðar við einstaka greinar en mestu breytingarnar eru í fjórða kafla um heimildagreiðslur.

Megin tilgangur breytinganna er að kveða skýrar á um rétt umsækjenda, afmarka skýrar tekjumörk og auðvelda þannig ákvarðanatöku starfsmanna og félagsmálanefndar, einnnig að auðvelda nefndinni eftirlit og aðhald.

Í greinum eitt til sextán eru aðallega orðalagsbreytingar, í níundu grein kemur fram að grunnfjárhæð fjárhagsaðstoðar er reiknuð út frá ákveðnu hlutfalli lágmarks atvinnuleysisbóta.
Eins og áður er kveðið á um eru mestar breytingarnar gerðar á fjórða kafla, meðal annars reglnanna um heimildir vegna sérstakra aðstæðna.

Í sautjándu grein er ný og skýrari heimild til bráðaaðstoðar en áður var og þykir nauðsynleg. Í átjándu grein eru allmiklar breytingar, skýr tekjuviðmið eru nú sett inn í greinina.

Þykir rétt að orða viðmiðin þannig að lítið rúm sé fyrir túlkun. Nefndin mun setja sér skýrar verklagsreglur, hanna samræmt eyðublað til þess að nefndin geti betur kynnt sér þær upplýsingar sem liggja fyrir, einkum um allar tekjur, eignir og skuldastöðu umsækjenda, fyrri aðstoð, auk annarra félagslegra aðstæðna.

Engar efnislegar breytingar eru gerðar á greinum fimmta kafla um málsmeðferð. Þó er félagsmálstjóra gert skylt að leggja reglulega fram yfirlit yfir ákvarðanir sem hann tekur samkvæmt heimildum í fyrstu málsgrein þrítugustu og þriðju greinar. Orðalagi hefur verið breytt á nokkrum stöðum til samræmis við lagabreytingar.

Framlagðar reglur lagðar fram til síðari umræðu og
bornar upp til afgreiðslu sveitarstjórnar og samþykktar með níu atkvæðum.

Vísað frá 182. fundi landbúnaðarnefnar frá mars 2016 til samþykktar í sveitarstjórn.

Þannig bókað á fundi landbúnaðarnefndar:
"Lögð fram tillaga að samþykkt um breytingu á samþykkt um búfjárhald í þéttbýli í Sveitarfélaginu Skagafirði, nr. 1264/2015:

1. gr.
3. mgr. 2. gr. samþykktarinnar verður svohljóðandi: Heimilt er að halda allt að 10 hænsni á hverri íbúðarhúsalóð en hanar eru með öllu bannaðir á þeim lóðum. Sérstakt leyfi landbúnaðarnefndar þarf til að halda hana á öðrum svæðum innan þéttbýlismarka.

2. gr.
Samþykkt þessi, sem samin er og samþykkt af sveitarstjórn Sveitarfélagsins Skagafjarðar, staðfestist hér með samkvæmt 4. gr. laga nr. 38/2013, um búfjárhald. Samþykktin öðlast þegar gildi. Við gildistöku þessarar samþykktar fellur úr gildi samþykkt um búfjárhald í Hofshreppi nr. 302/1992."

Landbúnaðarnefnd samþykkir breytinguna og vísar henni til afgreiðslu og staðfestingar sveitarstjórnar.:

Tillaga að samþykkt um breytingu á samþykkt um búfjárhald í þéttbýli í Sveitarfélaginu Skagafirði, nr. 1264/2015 borin upp til afgreiðslu og samþykkt með níu atkvæðum.

Fundargerðir stjórnar Norðurár bs. nr. 71 frá 8. maí 2015, nr. 72 frá 11. september 2015, nr. 73 frá 2.október 2015 og nr. 74 frá 9. október 2015 lagðar fram til kynningar á 338. fundi sveitarstjórnar 16. mars 2016

Fundargerð stjórnar Heilbrigðiseftirlits Norðurlands vestra frá 11. febrúar 2016 lögð fram til kynningar á 338. fundi sveitarstjórnar 16. mars 2016

Fundargerð skólanefndar FNV frá 22. febrúarber 2016 lögð fram til kynningar á 338. fundi sveitarstjórnar þann 16. mars 2016

Fundargerðir stjórnar Sambands íslenskra sveitarfélaga nr. 835 frá 29. janúar 2016 og nr. 836 frá 26. febrúar 2016 lagðar fram til kynningar á 338. fundi sveitarstjórnar 16. mars 2016

Fundargerð 732. fundar byggðarráðs lögð fram til afgreiðslu á 338. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Bjarni Jónsson og Gréta Sjöfn Guðmundsdóttir kvöddu sér hljóðs.

Fundargerð 733. fundar byggðarráðs lögð fram til afgreiðslu á 338. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Gréta Sjöfn Guðmundsdóttir kvaddi sér hljóðs.

Fundargerð 181. fundar landbúnaðarnefndar lögð fram til afgreiðslu á 338. fundi sveitarstjórnar eins og einstök erindi bera með sér. Gunnsteinn Björnsson kynnti fundargerð. Enginn kvaddi sér hljóðs.