Stjórn Menningarseturs Skagfirðinga
Dagskrá
Björg Baldursdóttir tók þátt í gegnum fjarfundabúnað,
1.Sala eigna og peningaleg staða
Málsnúmer 2012149Vakta málsnúmer
Lögð fram áætlun um peningalega stöðu félagsins, þar sem tekjur og gjöld hafa einnig verið áætluð fyrir árið 2021. Áætlað er að eftir standi við uppgjör, eftir að allur kostnaður hefur verið greiddur og tekjur innheimtar, 214.103.000 kr.
2.Uppgjör á Ferðasmiðjunni
Málsnúmer 2012150Vakta málsnúmer
Lagðar fram tillögur um lokauppgjör á Ferðasmiðjunni ehf. Þar er hlutur Menningarsetursins 21,4 % og gangi uppgjörið eftir má áætla að Menningarsetrið fái greitt fyrir sinn hlut 1.803.992 kr.
3.Ráðstöfun eigna
Málsnúmer 2012151Vakta málsnúmer
Lagt fram svohljóðandi gjafabréf:
Peningagjöf til uppbyggingar á skólamannvirkjum í Varmahlíð
Menningarsetur Skagfirðinga er sjálfseignarstofnun sem stofnuð var 1958. Skipulagsskrá hennar var samþykkt af dómsmálaráðherra og forseta Íslands árið 1965. Stofnendur voru áhugafólk um uppbyggingu á skóla og þjónustu í Varmahlíð. Forveri Menningarseturs Skagfirðinga var Varmahlíðarfélagið sem var stofnað árið 1936, og hafði það meginmarkmið að byggja upp héraðsskóla í Varmahlíð. Til að sú uppbygging gæti orðið að veruleika keypti Varmahlíðarfélagið jarðirnar Reykjarhól og Varmahlíð af ríkissjóði árið 1941, en segja má að þær fjárfestingar hafi verið undirstaðan í allri uppbyggingu í Varmahlíð.
Með tímanum hafa hlutverk og áherslur hjá Menningarsetri Skagfirðinga breyst, sveitarfélögin hafa einnig stækkað og þjónustuhlutverk þeirra aukist í bæði skólamálum sem og á öðrum sviðum. Stjórn Menningarseturs Skagfirðinga hefur því ákveðið að hætta starfsemi og afhenda sveitarstjórn Sveitarfélagsins Skagafjarðar allar eigur Menningarsetursins sem eru eftir sölu eigna, 214.000.000, tvöhundruð og fjórtán milljónir. Í ljósi stofnskrár og með hliðsjón af sögu Menningarseturs Skagfirðinga fylgir gjöfinni sú kvöð að þessum fjármunum skal varið til uppbyggingar skólamannvirkja í Varmahlíð.
Samþykkt á stjórnarfundi Menningarseturs Skagfirðinga 17. desember 2020
Einar E. Einarsson
Gunnsteinn Björnsson
Jón Daníel Jónsson
Stefán Gísli Haraldsson
Björg Baldursdóttir
Peningagjöf til uppbyggingar á skólamannvirkjum í Varmahlíð
Menningarsetur Skagfirðinga er sjálfseignarstofnun sem stofnuð var 1958. Skipulagsskrá hennar var samþykkt af dómsmálaráðherra og forseta Íslands árið 1965. Stofnendur voru áhugafólk um uppbyggingu á skóla og þjónustu í Varmahlíð. Forveri Menningarseturs Skagfirðinga var Varmahlíðarfélagið sem var stofnað árið 1936, og hafði það meginmarkmið að byggja upp héraðsskóla í Varmahlíð. Til að sú uppbygging gæti orðið að veruleika keypti Varmahlíðarfélagið jarðirnar Reykjarhól og Varmahlíð af ríkissjóði árið 1941, en segja má að þær fjárfestingar hafi verið undirstaðan í allri uppbyggingu í Varmahlíð.
Með tímanum hafa hlutverk og áherslur hjá Menningarsetri Skagfirðinga breyst, sveitarfélögin hafa einnig stækkað og þjónustuhlutverk þeirra aukist í bæði skólamálum sem og á öðrum sviðum. Stjórn Menningarseturs Skagfirðinga hefur því ákveðið að hætta starfsemi og afhenda sveitarstjórn Sveitarfélagsins Skagafjarðar allar eigur Menningarsetursins sem eru eftir sölu eigna, 214.000.000, tvöhundruð og fjórtán milljónir. Í ljósi stofnskrár og með hliðsjón af sögu Menningarseturs Skagfirðinga fylgir gjöfinni sú kvöð að þessum fjármunum skal varið til uppbyggingar skólamannvirkja í Varmahlíð.
Samþykkt á stjórnarfundi Menningarseturs Skagfirðinga 17. desember 2020
Einar E. Einarsson
Gunnsteinn Björnsson
Jón Daníel Jónsson
Stefán Gísli Haraldsson
Björg Baldursdóttir
Fundi slitið - kl. 16:40.