Stjórn Menningarseturs Skagfirðinga

Borist hefur styrkbeiðni vegna tónleika sem bera yfirskriftina " Þú sem eldinn átt í hjarta" og verða haldnir í Miðgarði milli jóla og áramóta. Skagfirskir tónlistarmenn flytja tónverk skagfirskra höfunda. Beðið er um styrk að upphæð 150.000 kr.
Samþykkt að verað við erindinu og veita 150.000 kr.

Beiðni frá Kammerkór Skagafjarðar um styrk vegna tónleikahalds og starfsemi sem skv. bréfi er fjölbreytt og metnaðarfull. Samþykkt að styrkja kammerkórinn um 300.000 kr.

Beiðni frá Karlakórnum Heimi, sem þakkar fyrir stuðning, en leitar nú eftir aðstoð vegna Þrettánda og Sæluvikurtónleika 2014 þar sem Garðar Thor Corter og Kristinn Sigmundsson verða gestasöngvarar.
Samþykkt að styrkja karlakórinn um 500.000 kr.

Stjórninni hefur borist undirskriftalisti frá 26 lóðaeigendum í Varmahlíð (og tveimur að auki) sem mótmæla hækkun á lóðaleigu sem lögð var til á 2. fundi Menningarsetursins 19. desember 2012 (liður 4)
Stjórnin stendur við fyrri ákvörðun um samræmingu lóðaleigu í Varmahlíð.

Samþykkt að halda áfram með stíga- og skiltagerð í tengslum við gömlu þvottalaugarnar og umhverfi. Einnig að hvetja hlutaðeigandi aðila til að grisja topp Reykjarhólsins svo ekki skyggi á útsýni.