Menningar- og kynningarnefnd

Guðmundur Þór Guðmundsson frá tæknideild sveitarfélagsins og Unnar Ingvason frá Héraðsskjalasafninu komu til fundarins og kynntu drög að framkvæmdaáætlun fyrir Safnahúsið til næstu þriggja ára.

Nefndin samþykkir að beina því til Byggðarráðs að breytingar á Safnahúsinu, sem hafa það að markmiði að færa Héraðsbókasafnið á jarðhæð og bæta aðgengi hreyfihamlaðra að þjónustu hússins með lyftu, verði settar í forgang við gerð fjárhagsáætlunar fyrir Eignasjóð árin 2012-2014.

Lagt fram erindi frá húsnefnd í félagsheimilinu Ketilási þar sem óskað er eftir þátttöku sveitarfélagsins í klæðningu á elsta hluta hússins til að koma í veg fyrir frekari skemmdir á húsinu. Húsnefnd er reiðubúin til að leggja fjármagn til verkefnisins. Nefndin samþykkir að beina því til Byggðarráðs að horft verði jákvætt á þetta verkefni við gerð fjárhagsáætlunar til að ljúka megi við þá uppbyggingu sem staðið hefur yfir í Ketilási á síðustu árum í góðu samstarfi heimamanna og sveitarfélagsins.

Lagt fram erindi frá Videosport ehf. þar sem fyrirtækið segir upp samningi um rekstur Miðgarðs.

Nefndin samþykkir að óska eftir fundi með öðrum eigendum í Miðgarði til að ákveða næstu skref varðandi rekstur hússins.

Rætt um stöðu mála varðandi rekstur Félagsheimilisins í Hegranesi. Ákveðið að halda næsta fund nefndarinnar í húsinu og fá starfandi húsnefnd til þess fundar.

Lagt fram erindi frá Wittenberg borg í Þýskalandi þar sem fulltrúum frá sveitarfélaginu er boðið til undirbúningsfundar vegna dagskrár sem undirbúa víðsvegar í Evrópu vegna 500 ára afmælis siðaskiptanna.

Nefndin hyggst ekki þiggja boðið og felur sviðsstjóra að svara erindinu.

Lögð fram til kynningar skýrsla frá Hjalta Pálssyni vegna starfsleyfis.

Lagt fram erindi frá Þjóðskjalasafni Íslands þar sem þakkað er fyrir samstarf og hlutdeild í skráningarverkefnum síðustu ára.

Lögð fram til kynningar dagskrá Farskóla Félags íslenskra safna og safnmanna í Skagafirði 5-7 okt. 2011.