Menningar-, íþrótta- og æskulýðsnefnd

Menningar íþrótta og æskulýðsnefnd Skagafjarðar kom saman mánudaginn 11. janúar kl. 17.00 í Stjórnsýsluhúsinu á Sauðárkróki.
Mætt voru: Ásdís Guðmundsdóttir, Sigurbjörg Guðjónsdóttir, Jón Garðarsson, Björgvin Guðmundsson og Helgi Thorarensen auk Páls Kolbeinssonar ritara.

Dagskrá:

1. Erindi frá ríkislögreglustjóra,-Árni Pálsson rannsóknarlögreglumaður og Ríkarður Másson sýslumaður Skagfirðinga mæta á fundinn.
2. Forvarnarnefnd.
3. Félagsmiðstöð - heimsókn.
4. Tómstundamál.
5. Önnur mál.

Afgreiðslur:

1. Ríkislögreglustjóri hefur í bréfi til sveitastjórna lagt áherslu á aukið samstarf lögreglu og sveitastjórna með það að markmiði að fækka glæpum í þjóðfélaginu.
   Ríkarður Másson sýslumaður og Árni Pálsson rannsóknarlögreglumaður mættu á fundinn og kynntu forvarnarverkefni lögreglunnar í Skagafirði. Ýmislegt var rætt m.a. foreldrarölt, gæsla á dansleikjum í félagsheimilum, þátttaka foreldra í forvarnarmálum og breytta löggjöf um málefni barna og unglinga.
   Fundarmenn voru sammála um að forvarnarstarf hefst og endar á heimilunum og því þátttaka foreldra lykillinn að árangri í forvörnum gegn glæpum og vímuefnaneyslu.
   Ríkarður Másson og Árni Pálsson véku af fundi.
2. Samþykkt var að Ásdís Guðmundsdóttir yrði fulltrúi Menningar-íþrótta og æskulýðsnefndar í forvarnarnefnd Skagafjarðar.
3. Félagsmiðstöðin heimsótt og starfsemin kynnt.
4. Frestað til næsta fundar
5. Önnur mál engin.

Fleira ekki gert og fundi slitið.