Vatnaskil í þjóðlendumálum - ráðstefna í Safnahúsinu 12. mars

Lagður var fram tölvupóstur frá Forsætisráðuneytinu, dagsettur 27. febrúar 2026, þar sem vakin er athygli á ráðstefnu sem ráðuneytið stendur fyrir undir yfirskriftinni Vatnaskil í þjóðlendumálum. Á ráðstefnunni, sem haldin verður fimmtudaginn 12. mars í Safnahúsinu við Hverfisgötu, verður fjallað um málefni þjóðlenda en þau tímamót urðu í desember sl. að óbyggðanefnd kvað upp síðustu úrskurði sína. Nefndin hefur þar með lokið því verkefni sínu sem hófst 1998 að fjalla um mörk þjóðlenda og eignarlanda á landinu öllu.