Sundlaug Sauðárkróks, skýli yfir vinnusvæði

Lögð fram útboðsgögn vegna byggingar bráðabirgðaskýlis yfir vinnusvæði við Sundlaug Sauðárkróks, vegna vinnu við múrverk og flísalagnir. Steinn Leó Sveinsson sviðsstjóri veitu- og framkvæmdasviðs sat fundinn undir þessum dagskrárlið.
Byggðarráð samþykkir að fela sviðsstjóra veitu- og framkvæmdasviðs að bjóða út byggingu bráðabirgðaskýlis yfir vinnusvæði við Sundlaug Sauðárkróks vegna vinnu við múrverk og flísalagnir.

Farið yfir upplýsingar og gögn varðandi rennibrautir og rennibrautarhús við Sundlaug Sauðárkróks. Ingvar Páll Ingvarsson verkefnisstjóri á veitu- og framkvæmdasviði sat fundinn undir þessum dagskrárlið.
Byggðarráð samþykkir að heimila sviðsstjóra veitu- og framkvæmdasviðs að bjóða út rennibrautir, rennibrautarhús og uppsetningu samkvæmt framlögðum gögnum.

Kynntar niðurstöður matshóps á útboði rennibrauta fyrir sundlaug Sauðárkróks. Fjársýslan hefur metið hæfi bjóðenda og yfirfarið tilboðin. Mat hæfisnefndar gildir 50% til móts við 50% vægi verðs bjóðenda. Niðurstaðan er sú að tilboð Sportís er metið hagkvæmast að teknu tilliti til verðs- og gæðamats.

Byggingarnefnd Sundlaugar Sauðárkróks samþykkir samhljóða að taka tilboði Sportís.