Umhverfis- og samgöngunefnd - 160
Málsnúmer 1909029F
Vakta málsnúmerSveitarstjórn Sveitarfélagins Skagafjarðar - 389. fundur - 16.10.2019
Fundargerð 160. fundar umhverfis- og samgöngunefndar frá 2. október 2019 lögð fram til afgreiðslu á 389. fundi sveitarstjórnar eins og einstök erindi bera með sér. Ingibjörg Huld Þórðardóttir kynnti fundargerð. Enginn kvaddi sér hljóðs.
-
Umhverfis- og samgöngunefnd - 160 Fundargerðir Siglingaráðs lagðar fram til kynningar. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum.
-
Umhverfis- og samgöngunefnd - 160 Lagðar fram til kynningar fundargerðir frá Hafnasambandi Íslands ásamt leiðbeiningum fyrir stjórnendur farþegaskipa sem koma til Íslands. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum.
-
Umhverfis- og samgöngunefnd - 160 Lagt var fyrir fundinn erindi frá smábátafélaginu Drangey varðandi löndunaraðstöðu fyrir smábáta í Sauðárkrókshöfn.
Í erindinu segir m.a.:
"Tilefni bréfsins er slæm löndunaraðstaða smábáta í Sauðárkrókshöfn, sem einkum tengist viðlegu togarans Drangeyjar þegar hún er í höfn. Að sumarlagi landa dag hvern að staðaldri um 10 smábátar á Sauðárkróki og þegar Drangey er í höfn er oft ekki hægt að koma fyrir meira en einum til tveimur bátum í rýminu við löndunarkrana smábátanna."
Í niðurlagi erindis er þess óskað að á þessu ástandi verði fundin lausn.
Nefndin felur hafnarstjóra að leita leiða til að verða við beiðni smábátafélagsins Drangey varðandi löndun smábáta. Nefndin bendir á að í skipulagsvinnu hafnasvæðis verður m.a. unnið að úrbótum á löndunaraðstöðu smábátasjómanna. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum. -
Umhverfis- og samgöngunefnd - 160 Lagðar voru fyrir fundinn mögulegar útfærslur að flotbryggjum ætluðum m.a. til móttöku á léttabátum úr skemmtiferðaskipum í Sauðárkrókshöfn. Kostnaður við framkvæmdina er áætlaður um 15 milljónir króna.
Nefndin samþykkir fyrir sitt leyti að gengið verði frá pöntun á flotbryggjueiningum samkvæmt tillögu 01 dags. 10. september 2019 og vísar málinu til afgreiðslu í byggðarráði. Nefndin leggur til að sá hluti kostnaðar sem fellur til árið 2019 verði greiddur af Hafnarsjóði. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum. -
Umhverfis- og samgöngunefnd - 160 Lagt var fyrir nefndina erindi frá Rúnari Gíslasyni lögreglumanni á Sauðárkróki varðandi blint horn á Aðalgötu á Sauðárkróki. Segir þar m.a. að hætta geti skapast á þessu horni þegar lögreglumenn á leið á vettvang keyra út af bílastæði við lögreglustöðina. Lagt er til í erindinu að settur verði upp spegill á móts við innkeyrslu á bílastæðið til að minnka hættu á óhappi á þessum stað.
Nefndin tekur jákvætt í erindið og felur sviðstjóra að vinna að úrlausn málsins. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum. -
Umhverfis- og samgöngunefnd - 160 Rætt var um gerð gjaldskrár vegna efnistöku á Gránumóum við Sauðárkrók.
Nefndin felur sviðstjóra að gera tillögu að gjaldskrá vegna efnistöku í malarnámum.
Nefndin felur sviðstjóra að fara yfir svæðið á Gránumóum og fjarlægja rusl og annan úrgang sem ekki á heima á svæðinu, nefndin hvetur notendur svæðisins á Gránumóum að ganga snyrtilega um svæðið. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum. - .7 1909199 Tilkynning um fyrirhugaðar niðurfellingar af vegaskrá(7853-01, 7889-01, 7858-01, 7456-01)Umhverfis- og samgöngunefnd - 160 Lagðar voru fyrir fundinn tilkynningar frá Vegagerðinni um niðurfellingu vega af vegaskrá. Ábyrgð Vegagerðarinnar á viðhaldi og þjónustu vega fellur niður á þeim vegum sem falla út af vegaskrá.
Tilkynnt er um niðurfellingu eftirfarandi vega;
Reykjarhólsvegur í Fljótum, 7853-01
Reykjarhólsvegur í Fljótum, 7889-01
Ysta-Mósvegur í Fljótum, 7858-01
Lágmúlavegur á Skaga, 7456-01
Nefndin felur sviðstjóra að kanna ástæður þess að Reykjarhólsvegur 7853-01 sé felldur út af vegaskrá. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum. -
Umhverfis- og samgöngunefnd - 160 Lagður var fyrir tölvuóstur frá Guðbjörgu Steinunni Sigfúsdóttur varðandi umhverfismál í Varmahlíð.
Nefndin felur garðyrkjustjóra að skoða umrædd svæði í Varmahlíð og koma með hugmyndir að fegrun og nýtingu svæðisins. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum. -
Umhverfis- og samgöngunefnd - 160 Vinna við kortlagningu leiksvæða í Skagafirði er hafin og voru lögð fram drög á fundinum. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum.
-
Umhverfis- og samgöngunefnd - 160 Lögð voru fyrir nefndarmenn drög að jafnréttisáætlun og aðgerðaráætlun í jafnréttismálum fyrir Sveitarfélagið Skagafjörð.
Nefndin ræddi efni áætlananna og fagnar vinnu við gerð jafnréttisstefnu. Bókun fundar Afgreiðsla 160. fundar umhverfis- og samgöngunefndar staðfest á 389. fundi sveitarstjórnar 16. október 2019 með níu atkvæðum.