Sauðárkrókur - Rammaskipulag

Sauðárkrókur - Rammaskipulag. Vinnufundur. Fyrirliggjandi eru gögn frá ALTA sem bárust 2. október sl., rammaskipulagstillögur varðandi Sauðárkrók. Nokkrar breytingar hafa verið gerðar á tillöguni frá því nefndin fundaði með ALTA í maí sl. Stefnt að vinnufundi með Alta hópnum í næstu viku.

Sauðárkrókur rammaskipulag vinnufundur. Til fundar komu Matthildur Kr. Elmarsdóttir og Hrafnkell Proppé frá ráðgjafafyrirtækinu ALTA vegna vinnu við gerð rammaskipulags fyrir Sauðárkrók. Fyrirliggjandi eru gögn frá ALTA sem bárust 2. október sl., rammaskipulagstillögur varðandi Sauðárkrók. Nokkrar breytingar hafa verið gerðar á tillögunni frá því nefndin fundaði með ALTA í maí sl., og þeim gögnum sem lögð voru fram á fundi  nefndarinnar 5. október sl. Þá var lögð fram tíma- og verkáætlun til verkloka.

Rætt um rammaskipulagstillögu fyrir Sauðárkróki. Samþykkt að óska eftir við ráðgjafa hjá Alta að þau haldi opinn kynningarfund á rammaskipulagstillögunni nk. mánudag 23. nóvember kl 20.

Sauðárkrókur rammaskipulag vinnufundur. Til fundar kom Hrafnkell Proppé frá ráðgjafafyrirtækinu ALTA vegna vinnu við gerð rammaskipulags fyrir Sauðárkrók og vegna íbúafundar sem halda á í kvöld kl 20 í Bóknámshúsi FNV. Hrafnkell  kynnti þá vinnu sem þegar hefur verið unnin og þær tillögur sem fyrir liggja og kynntar verða á íbúafundinum.Skipulags- og byggingarnefnd mun að loknum íbúafundi í kvöld meta þær ábendingar og athugasemdir sem fram koma við tillöguna og skoða þær við gerð lokatillögu að þéttbýlisuppdrætti fyrir Sauðárkrók. 

Rammaskipulag fyrir Sauðárkrók. Farið var yfir og ræddar þær tillögur og ábendingar sem fram komu á íbúafundi sem haldinn var í bóknámshúsi FNV 23. nóvember sl. 

Sauðárkrókur rammaskipulag vinnufundur. Til fundar kom Hrafnkell Á. Proppé frá ráðgjafafyrirtækinu ALTA vegna vinnu við rammaskipulag á Sauðárkróki. Kynnti hann þá vinnu sem þegar hefur verið unnin og þær tillögur sem unnar hafa verið í framhaldi af íbúaþingi sem haldið var 23.11.2009.

Lögð var fram tillaga að matslýsingu fyrir aðalskipulagstillöguna og var samþykkt að óska er eftir umsögn Skipulagsstofnunar um matslýsinguna sbr. 2. gr. 6. gr. laga um umhverfismat áætlana nr. 105/2006.

Sauðárkrókur rammaskipulag vinnufundur. Til fundar kom Hrafnkell Á. Proppé frá ráðgjafafyrirtækinu ALTA vegna vinnu við rammaskipulag á Sauðárkróki. Fór hann yfir þá vinnu sem þegar hefur verið unnin og þær tillögur sem unnar hafa verið í framhaldi af íbúaþingi sem haldið var 23.11.2009. Á fundinn komu til viðræðna við nefndina fulltrúar UMFT þeir Gunnar Gestsson, Sævar Pétursson og Ómar Bragi Stefánsson. Lýstu þeir sjónarmiðum Umft varðandu framtíðar uppbyggingu íþróttaaðstöðu á Sauðárkróki og lýstu andstöðu við þær skipulagshugmyndir sem í kynningu hafa verið. Þá kom á fundinn Óskar Björnsson og gerði grein fyrir sjónarmiðum Árskóla og þeim framtíðarplönum sem nú eru í gangi varðandi uppbyggingu skólans við Skagfirðingabraut.

Sauðárkrókur rammaskipulag. Drög að aðalskipulagsgreinargerð lögð fram til kynningar, unnin á ráðgjafafyrirtækinu ALTA af Hrafnkatli Á. Proppé.Einnig mætti undir þessum lið fundarins Áskell Heiðar Ásgeirsson sviðstjóri markaðs-og þróunarsviðs. Skipulags- og byggingarnefnd samþykkir að fullvinna rammaskipulagstillögu 1 með þeirri breytingu að byggingarlóðir í brekkunni austan Heilbrigðisstofnunarinnar á Sauðárhæðum verði fjarlægðir og hringtorgi á Strandvegi verði fjarlægt til samræmis við deiliskipulag hafnarsvæðisins. Farið verði yfir lokagögn, greinargerð og uppdrætti, á næsta fundi nefndarinnar. Gísli Árnason óskar bókað að hann telji misráðið að gera ráð fyrir byggingarreitum á Flæðum meðfram Skagfirðingabraut.

Sauðárkrókur rammaskipulag. Á fundinn mætti Hrafnkell Á Proppé frá ráðgjafafyrirtækinu ALTA . Einnig mætti á fundinn Áskell Heiðar Ásgeirsson sviðstjóri markaðs-og þróunarsviðs. Lokatillaga að rammaskipulagi, - greinargerð ásamt uppdráttum lögð fram. Hrafnkell fór yfir þær breytingar sem gerðar hafa verið á tillögunni. Skipulags- og byggingarnefnd samþykkir framlagt rammaskipulag fyrir Sauðárkrók og samþykkir að leggja til við Sveitarstjórn að gerðar verði breytingar á samþykktum þéttbýlisuppdrætti fyrir Sauðárkrók eins og hann er í aðalskipulagi Skagafjarðar 2009-2021 til samræmis við rammaskipulagið. Gísli Sigurðsson óskar bókað. "Ég tel að ekki hafi verið haft nægt samráð við íþróttahreyfinguna um uppbyggingu á íþróttaaðstöðu á Sauðárkróki til framtíðar, og því mun ég sitja hjá."

Gísli Árnason vísar til bókunar sinnar á 204. fundi skipulags- og byggingarnefndar. Einar Einarsson og Svanhildur Guðmundsdóttir óska bókað. " Við minnum á að í þessu rammaskipulagi er verið að samræma ólík sjónarmið, markmið og þarfir íbúa Sauðárkróks. Í þessari skipulagsvinnu hefur verið haft víðtækt samráð við íbúa með íbúaþingi, kynningarfundi og fundum með öðrum hagsmunaaðilum. Við teljum að hér hafi verið sameinuð ýmis ólík sjónarmið með hagsmuni allra í huga og lýsum því ánægju okkar með þær hugmyndir sem hér eru lagðar fram."