Landbúnaðarnefnd

Málið áður á 7. fundi landbúnaðarnefndar þann 27. febrúar 2023. Lagt fram minnisblað frá Sambandi íslenskra sveitarfélaga, dagsett 3. febrúar 2023 varðandi ágang búfjár. Minnisblaðið er ritað vegna álits Umboðsmanns Alþingis 11. október 2022 (11167/2021) og úrskurðar dómsmálaráðuneytisins 11. janúar 2023 (DMR21080053). Markmið minnisblaðsins er að varpa ljósi á réttarstöðu sveitarfélaga þegar beiðnir um smölun berast sveitarfélögum vegna ágangs búfjár milli landareigna og jafnframt frá afrétti. Einnig lögð fram drög að tvenns konar bréfum frá sveitarfélaginu, til þess að nota vegna ágangsfjár.
Landbúnaðarnefnd samþykkir að framlögð svarbréf verði notuð þegar við á.

Lilja Björg Ólafsdóttir bóndi á Kárastöðum, hefur farsællega gengt starfi markaumsjónarmanns fyrir Skagafjarðarsýslu um áratugaskeið. Samkvæmt 31. grein Fjallskilasamþykktar fyrir Skagafjarðarsýslu skal sveitarstjórn kjósa markaumsjónarmann til átta ára í senn.
Landbúnaðarnefnd leggur til við sveitarstjórn Skagafjarðar að Lilja Björg Ólafsdóttir verði kjörin markaumsjónarmaður Skagafjarðar til næstu átta ára. Landbúnaðarnefnd leggur jafnframt til að árleg þóknun til markaumsjónarmanns verði 60.000 kr.

Rætt um gjaldskrá og framkvæmd sorphirðu í dreifbýli. Sigfús Ingi Sigfússon sveitarstjóri sat fundinn undir þessum dagskrárlið og fór yfir málið.

Borist hefur ósk frá Fjallskilasjóði Staðarhrepps um fjármagn til þess að greiða fyrir eftirleitir í Staðarfjöllum. Samskonar erindi tekið fyrir á 6. fundi landbúnaðarnefndar þann 9. janúar 2023. Landbúnaðarnefnd vísar til afgreiðslu máls 2302238 á 7. fundi nefndarinnar þar sem segir: "Landbúnaðarnefnd vísar til 7. gr. Fjallskilasamþykktar fyrir Skagafjarðarsýslu nr. 717/2021 þar sem segir "Fjallskilastjórn metur allan fjallskilakostnað upprekstrarfélagsins til peningsverðs og jafnar honum á alla sauðfjár- og stóðhrossaeigendur upprekstrarfélagsins.
Landbúnaðarnefnd ítrekar að fjallskilastjórnir eigi að leggja á fyrir öllum fjallskilakostnaði og þar með til eftirleita. Aukafjárveitingar til fjallskilanefnda vegna eftirleita dragast frá framlagi næsta árs."
Landbúnaðarnefnd samþykkir að veita fjallskilasjóðnum framlag til greiðslu framangreinds kostnaðar og verður fjárhæðin dregin af framlagi sveitarfélagsins 2023 til fjallskilasjóðsins.

Farið yfir óskir fjallskilasjóða um framlag úr sveitarsjóði árið 2023.
Landbúnaðarnefnd úthlutaði 4,2 milljón króna að þessu sinni af 8 mkr. fjárveitingu ársins.

Lagður fram til kynningar ársreikningur fyrir fjallskilasjóð Skarðshrepps vegna ársins 2022.

Lagður fram til kynningar ársreikningur fyrir fjallskilasjóð Sauðárkróks vegna ársins 2022.

Lagður fram til kynningar ársreikningur fyrir fjallskilasjóð Rípurhrepps vegna ársins 2022.

Lagður fram til kynningar ársreikningur fyrir fjallskilasjóð Hóla- og Viðvíkurhrepps vegna ársins 2022.

Lagður fram til kynningar ársreikningur fyrir fjallskilasjóð Skefilsstaðahrepps vegna ársins 2022.

Lagður fram til kynningar ársreikningur fyrir fjallskilasjóð Deildardals vegna ársins 2022.

Lagður fram til kynningar ársreikningur fyrir fjallskilasjóð Hrolleifsdals vegna ársins 2022.

Lagður fram til kynningar ársreikningur fyrir Upprekstrarfélag Akrahrepps vegna ársins 2022.

Lagður fram til kynningar ársreikningur fyrir Fjallskilasjóð Hofsóss og Unadals vegna ársins 2022.

Lagður fram til kynningar tölvupóstur dagsettur 2. mars 2023 frá forsætisráðuneytinu varðandi fundarferð starfsmanna ráðuneytisins um landið þar sem verður fundað með sveitarfélögum/sveitarstjórnum og forsvarsmönnum fjallskilanefnda. Fyrirhugað er að halda fund á Sauðárkróki fyrir Skagafjörð, Skagabyggð, Sveitarfélagið Skagaströnd, Húnabyggð og Húnaþing vestra, þann 26. maí 2023.