Landbúnaðar- og innviðanefnd

Lögð fram lokadrög að Fjallskilasamþykkt Skagafjarðar.
Landbúnaðar- og innviðanefnd samþykkir fjallskilasamþykktina með áorðnum breytingum samhljóða og vísar til sveitarstjórnar.

Forstöðumaður framkvæmda Sigurður Arnar Friðriksson kynnir minnisblað vegna fráveitumála á og frá Nöfum, enda þekkt að vatn flæðir gjarnan niður klaufar og veldur óþægindum og jafnvel skaða. Í minnisblaðinu kemur fram að verið er að vinna að lausnum á fráveituvandanum í samvinnu við Stoð verkfræðistofu og stefnt er að ákveðnum úrbótum strax í sumar.

Lagður fram tölvupóstur dags. 27.03.2026. frá Maríu Ingiríði Reykdal með ósk um stærri sorpílát fyrir bæði heimili og rekstur.
Landbúnaðar- og innviðanefnd samþykkir samhljóða að hafna beiðninni með tilvísun í 9. grein Samþykktar um meðhöndlun úrgangs í Skagafirði, en þar kemur fram að fyrirtæki og bújarðir með atvinnustarfsemi skulu sjálf sjá um að koma rekstrarúrgangi í söfnunarstöð eða móttökustöð eða semja við sorphirðuaðila um leigu á sorpílátum og þjónustu við þau.

Sveinn Finster Úlfarsson vék af fundi undir þessum lið.

Fundargerð Norðurár bs. frá 16. mars 2026 lögð fram til kynningar.

Ársreikningur Fjallskilasjóðs Skarðshrepps fyrir árið 2025 lagður fram til kynningar

Ársreikningur Fjallskilasjóðs Hegraness fyrir árið 2025 lagður fram til kynningar

Ársreikningur Fjallskilasjóðs Hóla- og Viðvíkurdeilda fyrir árið 2025 lagður fram til kynningar