Félags- og tómstundanefnd Svf. Skagafjarðar

Samþykkt 10 erindi í 9 málum.

Frístundastjóri kynnir heildar aðsókn í sundlaugar á síðasta ári. 38.492 sóttu laugarnar í Varmahlíð,Sauðárkrók og Hofsósi. Opið var að meðaltali 350 daga á árinu í tæpa 10 þúsund klukkutíma. Að teknu tilliti til heildar fjölda klukkustunda sem opið var eru tæplega 4 að koma í laugarnar til samans að meðaltali hvern opinn klukkutíma, eða 1,3 í hverja laug hverja klukkustund.

Félags-og tómstundanefnd samþykkir tillögu Frístundastjóra um afgreiðslutíma sundlauganna á Hofsósi og Sauðárkróki, einnig samþykkir nefndin fyrir sitt leyti afgreiðslutíman í Varmahlíð og leggur til við samstarfsnefnd sveitafélagsins og Akrahrepps að gera slíkt hið sama.

Félags-og tómstundanefnd telur að forsendur þess að leigja íþróttahúsið á Sauðárkróki út til annarrar starfsemi en íþrótta, þurfi að vera til varnarlag til að verja parketið í húsinu. Þess vegna er lagt til við Byggðaráð að keypt verði það varnarlag sem best hentar sem allra fyrst.

Félags-og tómstundanefnd gerir athugasemd við tengingu neysluvísitölu inní samningi við Flugu og leggur til að það verði endurskoðað og tekið út strax um næstu áramót. Einnig gerir nefndin athugsemd við að úthlutun tíma til íþróttastarfs sé bundin eingöngu við hestamannafélögin.

Félags-og tómstundanefnd samþykkir tillögu stjórnar UMSS um úthlutun styrkja til einstakra aðildarfélaga sambandsins, að upphæð 9.000.000 króna á árinu 2012 . Styrkupphæðin er fyrst og fremst ætluð barna-og unglingastarfi innan félaga UMSS.

Lagt fram upplýsingarit frá félagi æskulýðs- og tómstundafulltrúa á Íslandi.

Kynnt var bókun Byggðaráðs Sveitarfélagsins Skagafjarðar frá 12. janúar síðastliðnum, þar sem ákveðið er að greiða nemendum með lögheimili í sveitarfélaginu og búsettir eru á heimavist FNV húsaleigubætur til samræmis við heimavistarnemendur frá öðrum sveitarfélögum.

Félag eldri borgara í Skagafirði sækir um kr. 250.000 í styrk til almenns félagsstarfs. Samþykkt að veita félaginu kr 210.000 í styrk á árinu 2012 í samræmi við fjárhagsáætlun.

Félag eldri borgara á Löngumýri sækir um styrk að upphæð kr. 100.000 til greiðslu húsaleigu á Löngumýri. Samþykkt að veita félaginu kr. 70.000 í samræmi við fjárhagsáætlun.

Kvennaathvarfið vinnur gott starf fyrir fólk á öllu landinu.

Ráðgjafi hefur komið frá Stígamótum á Sauðárkrók, tekið viðtöl og haldið utan um stuðningshóp hér á staðnum.

Samþykkt að veita styrk allt að kr 200.000 vegna ferðakostnaðar ráðgjafa Stígamóta til Sauðárkróks. Gert var ráð fyrir hlutdeild í þessum kostnaði við gerð fjárhagsáætlunar. Greiðist af gjaldalið 02890

Tómstundahópur Rauðakrossdeildarinnar í Skagafirði sækir um kr. 225.000 í styrk til að halda úti starfsemi fyrir fatlað fólk. Erindið samþykkt og er greitt af gjaldalið 02130 félagsleg liðsveisla sbr. fjárhagsáætlun 2012.

Fjárhagsáætlun SSNV vegna málefna fatlaðra 2012 lögð fram til kynningar.

Sveitarfélagið Skagafjörður fékk úthlutað kr. 4.000.000 styrk frá Velferðarráðuneytinu til verkefna í þágu langveikra barna og barna með ADHD. Styrkurinn fer til Fléttunnar samstarfsverkefni sveitarfélagsins með foreldrum langveikra barna og barna með ADHD.

Fundargerðin lögð fram til kynningar.