Félags- og tómstundanefnd Svf. Skagafjarðar
Félags- og tómstundanefnd Skagafjarðar
Fundur 22 – 16.09.2003
Ár 2003, þriðjudaginn 16. september 2003 kl. 16, kom Félags- og tómstundanefnd saman til fundar í Ráðhúsinu.
Mætt voru: Ásdís Guðmundsdóttir, Þórdís Friðbjörnsdóttir, Harpa Kristinsdóttir, Gunnar Sandholt, Elsa Jónsdóttir, Hrafnhildur Guðjónsdóttir og Rúnar Vífilsson, sem skrifar fundargerð
Dagskrá:
Íþróttamál
1. Tímaúthlutun í Reiðhöllinni
2. Lagt fram erindi um opnunartíma Sundlaugarinnar á Sauðárkróki
3. Landsmót 2004
4. Styrkveitingar
5. Samningur Tindastóls og Sveitarfélagsins Skagafjarðar
6. Íþróttavellir í Skagafirði – úttekt
7. Reglur um umgengni í Íþróttahúsinu
8. Önnur mál
Húsnæðismál
9. Umsókn um viðbótarlán
Félagsmál
10. Trúnaðarmál
Önnur mál
Afgreiðslur:
1. Rætt um tímaúthlutun í Reiðhöllinni. Auglýst verður eftir umsóknum um lausa tíma.
2. Opnunartími Sundlaugar. Ákveðið að vísa erindinu til forstöðumanns.
3. Landsmót 2004. Lagt fram til kynningar upplýsingarit frá framkvæmdastjóra landsmóts UMFÍ, fundargerðir framkvæmdanefndar auk endurskoðaðrar kostnaðaráætlunar framkvæmda. Ákveðið að fá framkvæmdastjóra landsmóts á fund nefndarinnar á næstunni til viðræðna.
4. Styrkveitingar til ungra íþróttamanna. Ákveðið að styrkja tvo unga íþróttamenn, Margréti Vigfúsdóttur og Ingu Birnu Friðjónsdóttur, um 30.000 króna hvora, vegna utanlandsferða með knattspyrnulandsliði Íslands.
5. Samningur Tindastóls og Sveitarfélagsins Skagafjarðar. Lögð fram árshluta-uppgjör deilda Tindastóls og aðalstjórnar.
6. Íþróttavellir. Lögð fram til kynningar skýrsla um íþróttavelli í Skagafirði frá Bjarna Helgasyni, jarðvegsfræðingi.
7. Reglur um umgengni í íþróttahúsi. Nefndin ítrekar þær umgengnisreglur sem í gildi eru í íþróttahúsinu á Sauðárkróki og felur starfsmönnum að kynna þær og endurskoða í samráði við starfsmenn og þjálfara íþróttafélaganna.
8. Önnur mál.
a) Lagðir fram til kynningar samningar milli sveitarfélaga og íþróttafélaga
b) Rætt um umsjón með Sundlauginni Sólgörðum. Samþykkt að vera með svipaða þjónustu og verið hefur.
9. Umsókn um viðbótarlán samþykkt. Sjá innritunarbók.
10. Teknar voru fyrir 4 beiðnir í 3 málum. Samþykktar voru 2 beiðnir, einni frestað en einni synjað. Ákvarðanir færðar í trúnaðarbók.
Fundi slitið kl. 17:50