Byggðarráð Skagafjarðar

Lögð fram tillaga að rammaáætlun ársins 2025 ásamt forsendum.

Byggðarráð samþykkir með öllum atkvæðum rammaáætlun ársins 2025 og vísar henni til umfjöllunar og úrvinnslu í nefndum.

Undir þessum dagskrárlið sátu Hallgrímur Arnarsson og Róbert Ragnarsson fundinn fulltrúar frá KPMG, í gegnum fjarfundarbúnað. Rætt var um verkefnistillögu að markmiðasetningu í fjármálum sveitarfélagsins og uppsetning á mælaborði fyrir lykilstjórnendur.
Byggðarráð samþykkir samhljóða að fela sveitarstjóra að undirbúa gerð viðauka vegna þessa verkefnis.

Sunna Björk Atladóttir lögmaður og fasteignasali sat fundinn undir þessum dagskrárlið. Sala á félagsheimilum rædd.
Byggðarráð samþykkir samhljóða að bjóða upp á samtal við íbúa um fyrirhugaða sölu á félagsheimilinu í Hegranesi, Ljósheimum og Skagaseli. Sveitarstjóra falið að sjá um að finna dagsetningar og auglýsa.

Bjarni Jónsson formaður umhverfis- og samgöngunefndar Alþingis og Stefán Vagn Stefánsson formaður fjárlaganefndar Alþingis sátu fundinn í gegnum fjarfundarbúnað, til að ræða samgöngumál í Skagafirði.
Byggðarráð samþykkir samhljóða að fela sveitarstjóra að fylgja málinu eftir.

Svavar Atli Birgisson slökkviliðsstjóri kom á fund byggðarráðs til viðræðu um alvarlega stöðu sjúkraflugs í Skagafirði vegna mönnunarvanda af hálfu Isavia á Alexandersflugvelli.
Byggðarráð samþykkir samhljóða að fela sveitarstjóra og slökkviliðsstjóra að skrifa forsvarsmönnum Isavia vegna málsins og óska skýringa.

Lagður fram tölvupóstur dagsettur 24. maí 2024 frá félags- og vinnumálaráðuneytinu, þar sem kynnt er til samráðs mál nr. 109/2024 - "Hvítbók í málefnum innflytjenda". Umsagnarfrestur er til og með 21.06. 2024.