Byggðarráð Skagafjarðar

Málið áður tekið fyrir á 91. og 93. fundi byggðarráðs.
Álfhildur Leifsdóttir vék af fundi undir þessum dagskrárlið.
Byggðarráð samþykkir með 2 atkvæðum að vinna málið áfram og taka fyrir að nýju á næsta fundi ráðsins.

Málið áður tekið fyrir á 92. og 93. fundi byggðarráðs.
Til fundarins komu Bryndís Lilja Hallsdóttir sviðsstjóri fjölskyldusviðs og Ragnar Helgason sérfræðingur á fjölskyldusviði.
Byggðarráð samþykkir samhljóða að fela starfsmönnum að vinna málið áfram í samræmi við umræður á fundinum.

Lagt fram aðalfundarboð frá Landskerfi bókasafna hf., dagsett 15. apríl 2024, vegna aðalfundar félagsins þann 7. maí 2024 í Reykjavík.
Byggðarráð samþykkir samhljóða að fela Kristínu Einarsdóttur héraðsbókaverði að fara með atkvæðisrétt sveitarfélagsins á fundinum.

Fjallað um tillögur úr skýrslu HLH ráðgjafar.
Byggðarráð samþykkir samhljóða að vinna áfram að innleiðingu tillagna úr skýrslunni og fjalla um framgang þeirra með reglubundnum hætti. Byggðarráð samþykkir jafnframt samhljóða að fá fulltrúa frá fræðslunefnd og sviðsstjóra fjölskyldusviðs inn á næsta fund ráðsins til að fjalla um tillögur sem að nefndinni snúa.

Umhverfis-, orku- og loftslagsráðuneytið kynnir til samráðs mál nr. 94/2024, "Skilvirkari leyfisveitingar á sviði umhverfis- og orkumála". Umsagnarfrestur er til og með 10.05. 2024.

Lagður fram til kynningar tölvupóstur dagsettur 12. apríl 2024 frá Landssamtökum landeigenda á Íslandi þar sem vakin var athygli á aðalfundi Landssamband landeigenda sem haldinn var 18. apríl 2024 og málþingi honum tengdu.

Lagt fram til kynningar yfirlit yfir ábendingar sem hafa borist í gegnum ábendingagátt sveitarfélagsins sl. mánuði og viðbrögð við þeim.