Atvinnu- og ferðamálanefnd

Þorsteinn Sæmundsson forstöðumaður Náttúrustofu Norðurlands vestra kom til fundarins og ræddi hugmyndir sem snúa að miðlun upplýsinga til ferðamanna um náttúru Skagafjarðar.

Guðrún Brynleifsdóttir starfsmaður á Markaðs- og þróunarsviði kynnti hugmyndir um upplýsingamiðlun til gesta á Landsmóti hestamanna sem haldið verður á Vindheimamelum næsta sumar.

Guðrúnu falið að vinna áfram að málinu.

Sviðsstjóri lagði fram minnisblað um uppsetningu á ferðavef sveitarfélagsins visitskagafjordur.is á enskri tungu. Áætlaður kostnaður við verkefnið er kr. 300.000.

Nefndin samþykkir fyrirliggjandi tillögu, vefurinn verði opnaður í maí.

Lögð fram drög að samningum við Sigurð Skagfjörð um rekstur tjaldstæðisins í Varmahlíð sumarið 2010 og við Skeljung hf. um rekstur tjaldstæðisins á Sauðárkróki sumarið 2010.

Nefndin samþykkir fyrirliggjandi samningsdrög og felur sviðsstjóra að ganga frá samningum.

Lagt fram til kynningar erindi frá Kjartani Lárussyni og Steini Lárussyni þar sem þeir bjóða ráðgjöf í ferðaþjónustu.

Lagt fram erindi frá Nýsköpunarsjóði námsmanna þar sem sjóðurinn óskar eftir styrk frá sveitarfélaginu.

Nefndin hafnar erindinu.

Lögð fram til kynningar drög að viljayfirlýsingu sem undirrituð verður í dag milli forsvarsmanna Sveitarfélagsins Skagafjarðar og Sveitarfélagsins Hornafjarðar um samstarf á sviði uppbyggingar á þekkingarstarfsemi.

Lögð fram ályktun frá aðalfundi Félags félags ferðaþjónustunnar um millilandaflug. Í henni segir m.a.:

Aðalfundur Félags ferðaþjónustunnar í Skagafirði haldinn 10. mars 2010 skorar á Sveitarstjórn sveitarfélagsins Skagafjarðar og hreppsnefnd Akrahrepps að fylgjast vel með og taka virkan þátt í umræðum og aðgerðum er varða millilandaflug til Akureyrar.

Páll Dagbjartsson og Sigurlaug Konráðsdóttir óska bókað: Við tökum undir það sjónarmið sem fram kemur í ályktun Félags ferðaþjónustunnar í Skagafirði að beint millilandaflug til Akureyrar er mjög stórt hagsmunamál fyrir alla ferðaþjónustu á Norðurlandi.

Lagðar fram ábendingar frá Félagi ferðaþjónustunnar í Skagafirði um ýmis mál sem tengjast ferðaþjónustu s.s. snyrtingar við Glaumbæ, reiðleiðir í Skagafjarðarhéraði, Sögusetur íslenska hestsins, göngukort, upplýsingaþjónusta fyrir ferðamenn á Sauðárkróki, Minjahúsið á Sauðárkróki, merkingar fyrir ferðamenn og úrbætur í umhverfismál í Skagafirði.